Huquqiy maslahat - bepul,tezkor, hammaga!
Tashuvchining fuqarolik javobgarligini majburiy sug‘urta qilish
- 5793 marta o'qildi
Tashuvchi — shahar yo‘lovchilar transportida, temir yo‘l, havo, avtomobilь, daryo transportida va boshqa transportda yo‘lovchilarni hamda ularning mol-mulkini tijorat asosida tashish bo‘yicha xizmatlar ko‘rsatuvchi va buning uchun maxsus ruxsatnomaga (litsenziyaga) ega bo‘lgan yuridik shaxs.
Tashuvchi yo‘lovchilarning hayoti, sog‘lig‘i va (yoki) mol-mulkiga zarar etkazganlik uchun o‘z fuqarolik javobgarligini tashish bo‘yicha xizmatlar ko‘rsatish boshlanguniga qadar sug‘urtalashi shart.
Tashuvchining fuqarolik javobgarligini majburiy sug‘urta qilish shartnomasini tuzish uchun tashuvchining yozma shakldagi arizasi asos bo‘ladi. Tashuvchining fuqarolik javobgarligini majburiy sug‘urta qilish shartnomasi 1 yil muddatga tuziladi. Yo‘lovchilarni va ularning mol-mulkini avtomobilda tashishni amalga oshiruvchi tashuvchining fuqarolik javobgarligini majburiy sug‘urta qilish shartnomasi 3 oydan 1 yilgacha bo‘lgan muddatga tuzilishi mumkin.
Sug‘urtalovchi sug‘urta shartnomasini tuzishdan bosh tortishga haqli emas.
Sug‘urtani tasdiqlovchi hujjat shartnoma va sug‘urta polisi hisoblanadi. Sug‘urta polisi sug‘urta mukofoti tashuvchi tomonidan to‘langanidan keyingi 3 ish kunidan kechikmay beriladi.
Tashuvchining fuqarolik javobgarligini majburiy sug‘urta qilish shartnomasi bo‘yicha sug‘urta puli bitta yo‘lovchiga 44 mln. so‘m miqdorda belgilanadi, ulardan:
- 40 mln. so‘mi — yo‘lovchining hayoti yoki sog‘lig‘iga etkazilgan zararning o‘rnini qoplash uchun;
- 4 mln. so‘mi — yo‘lovchining mol-mulkiga etkazilgan zararning o‘rnini qoplash uchun.
Tashuvchining huquq va majburiyatlari
Sug‘urtalovchining huquq va majburiyatlari
