Ҳуқуқий маслаҳат - бепул, тезкор, ҳаммага!
Мол-мулк солиғининг солиқ солинадиган базаси ва ставкаси
- 64526 марта ўқилди
Солиқ солиш объектларининг кадастр қиймати солиқ базаси ҳисобланади.
- Солиқни ҳисоблаб чиқариш мақсадида солиқ базаси қирқ икки миллион сўмдан кам бўлиши мумкин эмас.
- Солиқ солиш объектининг баҳоси мавжуд бўлмаган тақдирда, мол-мулкнинг шартли қиймати Тошкент ва Нукус шаҳарларида, шунингдек вилоят марказларида – 210 млн. сўм бошқа шаҳарларда ва қишлоқ жойларда эса – 90 млн. сўм миқдорда солиқ базаси ҳисобланади.
- Битта жисмоний шахс бир нечта солиқ солиш объекти бўйича солиқ тўловчи бўлган тақдирда, солиқ базаси ҳар бир объект бўйича алоҳида ҳисоблаб чиқилади.
Аҳамият беринг!
Тадбиркорлик фаолиятида фойдаланиладиган ер участкалари учун ёхуд уйлар, дала ҳовли иморатлари, якка тартибдаги гаражлар ва бошқа иморатлар, иншоотлар юридик шахсга ёки якка тартибдаги тадбиркорга ижарага берилганда, шунингдек жисмоний шахсларнинг мулкида бўлган, яшаш учун мўлжалланмаган кўчмас мулк объектлари эгаллаган ер участкалари учун солиқ жисмоний шахслардан юридик шахслардан олинадиган ер солиғини тўлаш учун белгиланган солиқ ставкалари бўйича ундирилади ҳамда Солиқ кодексининг 436-моддасида кўрсатилган имтиёзлар уларга нисбатан татбиқ этилмайди.
- Жисмоний шахс ёки оилавий корхона ер участкасидан унда жойлашган уйда истиқомат қилиш билан бир вақтда товарлар ишлаб чиқариш (хизматлар кўрсатиш) учун фойдаланган тақдирда, солиқ жисмоний шахслар учун белгиланган солиқ ставкаси бўйича тўланади.
Норматив ҳужжатлар
Мақола фойдали бўлдими?
Бўлимлар
