Ҳуқуқий маслаҳат - бепул, тезкор, ҳаммага!
Меҳнат дафтарчаси
- 34 марта ўқилди
Корхонада 5 кундан ортиқ ишлаган барча ходимларга меҳнат дафтарчаси тутилади.
Меҳнат дафтарчасига ходимнинг ишга қабул қилиш, бошқа ишга ўтказиш ва меҳнат шартномасини бекор қилиш каби маълумотлар ёзилади.
Ходимнинг илтимосига кўра, меҳнат дафтарчасига бошқа ёзувлар киритилиши мумкин. Бунда, меҳнат шартномасини бекор қилиш асослари (сабаблари) ёзилмайди.
2020 йил 1 январдан бошлаб меҳнат дафтарчалари Ягона миллий меҳнат тизими орқали электрон шаклда юритилади.
Электрон шаклдаги меҳнат дафтарчалари рўйхатдан ўтказиладиган меҳнат шартномаларидаги маълумотлар асосида автоматик тарзда шакллантириладиган ходимнинг меҳнат фаолияти тўғрисидаги маълумотларни ўз ичига олиши керак.
2020 йил 1 январга қадар тузилган амалдаги меҳнат шартномалари 2020 йил 1 сентябрдан кечиктирмасдан рўйхатдан ўтказилиши шарт.
