Isitish mavsumida belgilangan bazaviy meʼyor bo‘yicha ob-havo sharoitidan kelib chiqib, zarur bo‘lsa, qo‘shimcha choralar ko‘riladi.

Tabiiy gaz uchun isitish mavsumida belgilangan bazaviy meʼyor barcha hududlarda 15 martga qadar uzaytirildi. Bu haqda Energetika vazirligi Matbuot xizmati xabar qildi. 

Ob-havo prognozlarining yangilangan kutilmalariga ko‘ra, sovuq havo massasi mamlakatning boshqa hududlariga ham kirishi ehtimoli tufayli isitish mavsumi uchun belgilangan 500 kub metr bazaviy meʼyor barcha hududlarda 2026-yilning 15-martiga qadar uzaytirildi.

15 martdan keyin esa ob-havo sharoitidan kelib chiqib, zarur bo‘lsa, qo‘shimcha choralar ko‘riladi.

Eslatib o‘tamiz, 1 martdan boshlab qish mavsumida belgilangan ijtimoiy meʼyor o‘zgardi.

Isitish mavsumida tabiiy gaz isteʼmoli bo‘yicha baʼzaviy meʼyor 5 barobarga (100 metr kubdan 500 kub metrga) oshirilgan edi.

Xususan, noyabr — fevral oylarida har bir oy uchun 500 kub metrgacha, mart — oktyabr oylarida esa har oy uchun 100 kub metrgacha “bazaviy meʼyor” belgilangan.

Shu sababli, bugun, 1martdan 31 oktyabrga qadar har oy uchun 100 kub metrgacha “bazaviy meʼyor” amal qiladi.