Сайт тест режимида ишламоқда

Ҳуқуқий ахборот - ҳаммага, ҳар доим, ҳамма жойда!

Бизнинг мақсад

Жамиятда ҳуқуқий онг ва ҳуқуқий маданиятни юксалтириш

Биз ҳақимизда

Ушбу портални яратиш вазифаси Ўзбекистон Республикаси Президентининг 2019 йил 9 январдаги “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги Фармонида белгиланган эди.

Унинг ижросини таъминлаш мақсадида, Буюк Британиянинг Ўзбекистондаги элчихонаси билан ҳамкорликда Advice.uz лойиҳаси амалга оширилди. Ушбу лойиҳа Буюк Британиянинг Citizens Advice тармоғи тажрибаларидан фойдаланган ҳолда яратилди.

Маълумот учун: Citizens Advice – бутун Буюк Британия бўйлаб фаолият юритадиган 316 та мустақил хайрия ташкилотларидан иборат тармоқ бўлиб, у фуқароларга бепул ҳуқуқий маслаҳат беради. Тармоқ 1939 йилда ташкил этилган бўлиб, ҳозирда унда 7000 нафар ходим ва 22 мингдан ортиқ кўнгилли волонтерлар фаолият юритади.

Ўзбекистон Республикаси Вазирлар Маҳкамасининг 2019 йил 6 сентябрдаги 741-сон “Аҳолига ҳуқуқий ахборотни етказиш ва юридик ёрдам кўрсатиш тизимини янада такомиллаштириш чора-тадбирлари тўғрисида”ги қарорига асосан “Мадад” – муассаса шаклидаги нодавлат нотижорат ташкилоти (ННТ) ташкил этилиб, 2019 йил 12 сентябрь куни Ўзбекистон Республикаси Адлия вазирлигидан рўйхатдан ўтказилди.

“Мадад” ННТнинг асосий мақсади аҳолига бепул юридик ёрдам кўрсатиш орқали жамиятда ҳуқуқий онг ва ҳуқуқий маданиятни юксалтиришга кўмаклашиш ҳисобланади.

Порталдаги ҳуқуқий масалалар
  • меҳнат қонунчилиги;
  • чет элда ишлаш тартиби — миграция;
  • паспорт тизими;
  • оила муносабатлари;
  • уй-жой, коммунал хўжалик;
  • фуқаролар тадбиркорлиги;
  • ижтимоий ҳимоя масалалари;
  • соғлиқни сақлаш;
  • банк, солиқ масалалари;
  • транспорт соҳасидаги қонунчилик;
  • давлат хизматлари;
  • истеъмолчилар ҳуқуқларини ҳимоя қилиш;
  • таълим қонунчилиги;
  • суд-ҳуқуқ масалалари, ҳуқуқий ҳимоя;
  • мажбурий ижро бюроси, низоларни ҳал қилиш;
  • ҳарбий хизмат.

Қандай қилиб маслаҳат берамиз

Махсус онлайн-маслаҳатчи хизмати орқали ўзингизни қизиқтирган ҳуқуқий масалаларнинг ечимини топишингиз мумкин.

Бундан ташқари, ҳудудий бюроларимиз орқали бевосита ҳуқуқий маслаҳатлар олишингиз мумкин.

Онлайн-маслаҳатчи хизматидан фойдаланиш тартиби:

  1. Порталининг онлайн-маслаҳатчи хизмати орқали ҳуқуқий маслаҳатлар ҳафтанинг душанба кунидан жума кунигача (байрам кунларидан ташқари) соат 09.00 дан 13.00 гача ва 14.00 дан 18.00 гача берилади.
  2. Порталнинг онлайн-маслаҳати хизматига келиб тушган мурожаатлар "Жисмоний ва юридик шахсларнинг мурожаатлари тўғрисида"ги қонунга мувофиқ кўриб чиқилмайди. Мурожаатларга реал вақт режимида онлайн тарзда жавоб берилади.
  3. Ушбу портал орқали юридик шахслар фаолияти, хусусан тадбиркорлик масаласида ҳукуқий маслаҳатлар берилмайди. Тадбиркорлик соҳасидаги саволларингизни B-Advice.uz портали орқали йўллашингиз мумкин.

Эслатиб ўтамиз, порталда жойлаштирилган барча маълумотлар ва онлайн-маслаҳатчилар томонидан берилган жавоблар тавсиявий аҳамиятга эга бўлиб, масаланинг ҳуқуқий ечимини тез топишга қаратилган.

«Мадад» ННТга ташрифлар


☑️ Буюк Британия ташқи ишлар вазирининг собиқ ўринбосари Алан Дункан бошчилигидаги делегация ташрифидан лавҳалар

 

☑️ Германия Федератив Республикаси “Ойген Бисер” фонди раҳбари, Бавария федерациясининг собиқ бош вазири Гюнтер Бекштайн ташкилотнинг марказий офисига ташрифидан лавҳалар

 

 

☑️ Буюк Британиянинг «Government Partnership International» ташкилоти вакиллари Лейла Броснан, Луси Дарлинг ва Оливер Керр иштирокида тажриба алмашиш ҳамда фуқароларга ҳуқуқий бепул юридик ёрдам кўрсатиш тизимини янада такомиллаштириш бўйича учрашувдан лавҳалар


Ҳамкорлик алоқалари

☑️ «Мадад» ННТ ва Тошкент давлат юридик университети ўртасида аҳолига бепул юридик ёрдам кўрсатиш мақсадида ҳамкорлик алоқалари ўрнатилди

 

 

☑️ «Мадад» ННТ ва Истеъмолчилар ҳуқуқларини ҳимоя қилиш агентлиги ўртасида истеъмолчилар ҳуқуқлари ва уларнинг манфаатларини ҳимоя қилиш мақсадида ҳамкорлик алоқалари ўрнатилди

 

 

☑️ “Мадад” ННТ ва Ўзбекистон Республикаси Нотариал палатаси ўртасида аҳолига нотариал хизматлар ва бепул юридик ёрдам кўрсатиш сифатини ошириш мақсадида ҳамкорлик алоқалари ўрнатилди

 

 

☑️ “Мадад” ННТ ва "Даракчи" газетаси ўртасида аҳолининг ҳуқуқий маданияти, ҳуқуқий билими ва саводхонлигини доимий равишда ошириб бориш мақсадида ҳамкорлик алоқалари ўрнатилди

 

Инфографикалар

"Мадад" ННТнинг 2020 йилдаги асосий кўрсаткичлари

"Мадад" ННТнинг 1 йиллик фаолияти давомида амалга оширилган ишлар тўғрисида инфографика

Жисмоний ва юридик шахслар ўзларини қизиқтирган масалалар бўйича ариза, таклиф ва шикоятлар билан давлат органларининг ишонч телефонларига мурожаат қилиши мумкинлигини эслатиб ўтамиз. Ишонч телефонлари рўйхати билан ҳавола орқали танишинг.

Бизнинг жамоа

Chat