Ҳуқуқий маслаҳат - бепул, тезкор, ҳаммага!

Бизнинг мақсад

Жамиятда ҳуқуқий онг ва ҳуқуқий маданиятни юксалтиришга кўмаклашиш ва аҳолига бепул юридик ёрдам кўрсатиш

Биз ҳақимизда

Ўзбекистон Республикаси Вазирлар Маҳкамасининг 2019 йил 6 сентябрдаги 741-сон “Аҳолига ҳуқуқий ахборотни етказиш ва юридик ёрдам кўрсатиш тизимини янада такомиллаштириш чора-тадбирлари тўғрисида”ги қарорига асосан “Мадад” – муассаса шаклидаги нодавлат нотижорат ташкилоти ташкил этилиб, 2019 йил 12 сентябрь куни Ўзбекистон Республикаси Адлия вазирлиги томонидан давлат рўйхатидан ўтказилган.

"Мадад" ННТ марказий офисининг очилиш маросими (видео)

Асосий вазифалар:

  • фуқароларга ҳуқуқий масалалар бўйича шу жумладан, онлайн маслаҳатлар ва тушунтиришлар бериш йўли билан бирламчи бепул юридик ёрдам кўрсатиш;
  • фуқароларнинг ҳуқуқий билимларини ижтимоий-сиёсий ўзгаришлар билан уйғун равишда ошириб бориш ишларига кўнгиллиларни сафарбар этиш;
  • фуқаролар томонидан ҳуқуқий маслаҳат беришга оид сўровларни таҳлил қилиб бориш, таҳлил натижасига кўра ҳуқуқни қўллаш амалиёти ва амалдаги қонунчиликни такомиллаштириш юзасидан таклифлар ишлаб чиқиш;
  • аҳолининг ҳуқуқий онги ва ҳуқуқий маданиятини юксалтиришда инновацион усулларни, хорижий давлатларнинг бу борадаги ижобий тажрибаларини татбиқ этиш;
  • «Advice.uz» ҳуқуқий ахборот порталининг мунтазам равишда юритилиши ва янгилаб борилишини таъминлаш.

Туман (шаҳар) ҳуқуқий маслаҳат бюролари

  • "Мадад" нодавлат нотижорат ташкилоти томонидан Буюк Британиянинг Ўзбекистондаги элчихонаси молиявий кўмагида 2019 йил сентябрь-декабрь ойларида республика бўйича 28 та туман ва шаҳарларда ҳуқуқий маслаҳат бюролари ташкил этилган бўлса, 2022 йилга келиб бундай ҳудудий бюролар сони босқичма-босқич равишда 73 тага етказилди. Ҳозирги кунда ушбу ҳудудий бюролар томонидан жойларда аҳолига сифатли бепул юридик ёрдам кўрсатиб келинмоқда.

 


Маълумот учун: "Citizens Advice" – Буюк Британия давлатида ўтган асрнинг ўттизинчи йилларида ташкил этилган бўлиб, у фаолият шакли бўйича хайрия ташкилоти ҳисобланади ва фуқароларга ижтимоий-ҳуқуқий масалалар бўйича бепул юридик ёрдам кўрсатади.

Биз қандай қилиб ҳуқуқий маслаҳат берамиз

Махсус онлайн-маслаҳатчи хизмати орқали ўзингизни қизиқтирган ҳуқуқий масалаларнинг ечимини топишингиз мумкин.

Бундан ташқари, ҳудудий бюроларимиз орқали бевосита ҳуқуқий маслаҳатлар олишингиз мумкин.

Онлайн-маслаҳатчи хизматидан фойдаланиш тартиби:

  1. Порталининг онлайн-маслаҳатчи хизмати орқали ҳуқуқий маслаҳатлар ҳафтанинг душанба кунидан жума кунигача (байрам ва дам олиш кунларидан ташқари) соат 09.00 дан 13.00 гача ва 14.00 дан 18.00 гача берилади.
  2. Порталнинг онлайн-маслаҳати хизматига келиб тушган мурожаатлар "Жисмоний ва юридик шахсларнинг мурожаатлари тўғрисида"ги қонунга мувофиқ кўриб чиқилмайди. Мурожаатларга реал вақт режимида онлайн тарзда жавоб берилади.

Эслатиб ўтамиз, порталда жойлаштирилган барча маълумотлар ва ахборотлар тавсиявий характерга эга бўлиб, изланётган масаланинг ҳуқуқий ечимини тез топишга ёрдам беради.

 Халқаро ҳамкорлик алоқалари 

 Ҳамкорлик тўғрисида меморандумлар 

 Амалга оширилган ишлар (инфографика шаклида)

Жисмоний ва юридик шахслар ўзларини қизиқтирган масалалар бўйича ариза, таклиф ва шикоятлар билан давлат органларининг ишонч телефонларига мурожаат қилиши мумкинлигини эслатиб ўтамиз. Ишонч телефонлари рўйхати билан ҳавола орқали танишинг.

Бизнинг жамоа

Chat