Ҳуқуқий маслаҳат - бепул, тезкор, ҳаммага!

HUMO карталари орқали Apple Pay’да тўлаш имконияти пайдо бўлди

  • 18.11.2026
  • 73 марта ўқилди

Ўзбекистонда Octobank чиқарган қўллаб-қувватланадиган HUMO карталарини Apple Wallet’га қўшиш мумкин бўлди. Бу карталар орқали iPhone ва Apple Watch ёрдамида контактсиз тўловлар амалга оширилади.


HUMO миллий тўлов тизими 2026 йил 17 ноябрда Apple Pay сервиси ишга туширилганини маълум қилди. Ушбу имкониятни HUMO карта эгаларига тақдим этган биринчи банк Octobank бўлди.

Дастлабки босқичда сервис Octobank’нинг қўллаб-қувватланадиган HUMO карталари учун очилган. Бошқа банкларнинг миллий карталарини улаш имконияти техник тайёргарликка қараб босқичма-босқич кенгайтирилади.

Картани Apple Wallet’га қўшиш тартиби

HUMO хабарига кўра, картани улаш учун iPhone’да iOS 27 ёки ундан юқори версия ўрнатилган бўлиши керак.

Фойдаланувчи:

  1. Apple Wallet иловасини очади;

  2. «+» белгисини босади;

  3. Octobank чиқарган қўллаб-қувватланадиган HUMO картасини қўшади;

  4. экрандаги кўрсатмалар бўйича жараённи якунлайди.

Дўконларда ва онлайн харидларда фойдаланиш мумкин

iPhone орқали тўлов қилишда амалиёт Face ID, Touch ID ёки код-пароль билан тасдиқланади ва қурилма контактсиз тўлов терминалига яқинлаштирилади.

Apple Watch’да эса ён тугма икки марта босилиб, соат терминалга яқинлаштирилади.

Шунингдек, Apple Pay’ни қўллаб-қувватлайдиган сайт ва иловаларда iPhone, iPad ва Mac орқали онлайн харидлар ҳақини тўлаш мумкин.

Картанинг ҳақиқий рақами сотувчига берилмайди

Тўловда банк картасининг ҳақиқий рақами ўрнига махсус рақамли идентификатордан фойдаланилади. Ҳар бир операция алоҳида хавфсизлик коди билан ҳимояланади.

Octobank HUMO карталари учун белгиланган бонуслар ва имтиёзлар ҳам сақланади.

Расмий манба: HUMO миллий тўлов тизими.

Chat