Сайт тест режимида ишламоқда

Ҳуқуқий ахборот - ҳаммага, ҳар доим, ҳамма жойда!

  • 716 марта ўқилди

Никоҳда бўлмаган ота-онадан туғилган болага оталикни белгилаш ота ва онаси (агар отаси вояга етмаган ҳисобланса, у ҳолда қонуний вакили) томонидан биргаликда берилган аризаси ёки суднинг қонуний кучга кирган ҳал қилув қарори асосида ФҲДЁ органида амалга оширилади.

Оталикни белгилаш ариза берилган куни ота-онасининг иштирокида амалга оширилади.

Оталикни ишончнома бўйича белгилашга йўл қўйилмайди.

Тақдим этиладиган ҳужжатлар:
  • ўзаро қонуний никоҳда бўлмаган ота-онанинг оталикни белгилаш ҳақидаги аризаси ёки оталикни белгилаш ҳақидаги суднинг қонуний кучга кирган ҳал қилув қарори;
  • ота-онанинг шахсини тасдиқловчи ҳужжатлари –паспорт, уларнинг ўрнини босувчи ҳужжатлар;
  • боланинг туғилганлик ҳақидаги гувоҳномаси (агар туғилиши олдин қайд этилган бўлса).

Аризачи Давлат хизматлари марказларига келиб ёки Ягона интерактив давлат хизматлари портали орқали сўровнома тўлдириши мумкин.

Chat