Олий таълим, фан ва инновациялар вазирлиги томонидан 2026/2027-ўқув йилида олий таълим ташкилотлари, академик лицей ва техникумларда ўқув жараёнларини бошлаш саналари маълум қилинди.

Вазирликнинг расмий хабарига кўра, академик лицей ва техникумларда янги ўқув йили 2026 йил 2 сентябрдан бошланади.

Олий таълим ташкилотларида эса ўқув жараёни талабаларнинг босқичига қараб турли саналардан ташкил этилади.

Жумладан:

• 1-босқич талабалари учун — 7 сентябрдан;
• 2-босқич ва ундан юқори босқич талабалари учун — 14 сентябрдан ўқув жараёнлари бошланади.

Шу тариқа, 2026/2027-ўқув йилида академик лицей ва техникум ўқувчилари 2 сентябрдан, олий таълим ташкилотларига янги қабул қилинган талабалар 7 сентябрдан, юқори босқич талабалари эса 14 сентябрдан дарс машғулотларига киришади.

Талабалар ва ўқувчиларга ўқув жараёнини ташкил этиш, дарс жадваллари, талабалар турар жойларига жойлашиш ҳамда бошқа ташкилий масалалар бўйича қўшимча маълумотларни ўзлари таҳсил олаётган таълим ташкилотларининг расмий ахборот манбалари орқали кузатиб бориш тавсия этилади.

Манба: Ўзбекистон Республикаси Олий таълим, фан ва инновациялар вазирлиги.