Gazga ulash tartibi

Ulanish bosqichlari

Gaz tarmog‘iga ulanish quyidagi bosqichlarni qamrab oladi:

texnik shartlarni olish — talab etilgan hollarda;
gaz ta’minoti loyihasini ishlab chiqish;
zarur holda loyihani kelishish;
qurilish-montaj ishlarini bajarish;
hisoblagichni o‘rnatish va plombalash;
gaz etkazib berish shartnomasini tuzish;
belgilangan to‘lovdan keyin gaz etkazib berishni boshlash.

Murojaat qilish

Ariza beruvchi:

Davlat xizmatlari markaziga shaxsan;
Yagona interaktiv davlat xizmatlari portali orqali elektron shaklda murojaat qilishi mumkin.

Texnik shart olish uchun Davlat xizmatlari markazi orqali murojaat qilinganda BHMning 10 foizi, YaIDXP orqali murojaat qilinganda esa shu yig‘imning 90 foizi — BHMning 9 foizi undiriladi.

Qonunchilikda belgilangan ijtimoiy toifalarga yig‘im bo‘yicha chegirmalar qo‘llanilishi mumkin.

Texnik shart qachon talab etilmaydi

Maishiy iste’molchilarning:

kvartiralari;
yakka tartibdagi uylari;
dala hovlilari;
tomorqa va yordamchi xo‘jalik ob’ektlarini gaz tarmog‘iga ulashda alohida texnik shart ishlab chiqish talab etilmaydi.

Bunday ob’ektlar uchun litsenziyaga ega loyiha tashkiloti ishlab chiqqan gaz ta’minoti loyihasi qurilish-montaj ishlarini bajarishga asos bo‘ladi.

Texnik shartni berish

Texnik shart talab etilgan holda hududiy gaz ta’minoti tashkiloti anketani olganidan keyin uch ish kuni ichida:

ob’ektni o‘rganadi;
QR-kodli texnik shartni ishlab chiqadi;
natijani Davlat xizmatlari markazi yoki YaIDXP orqali yuboradi;
yoki qonuniy asoslangan rad javobini beradi.

Hududda iste’molchini gaz bilan ta’minlash imkonini beradigan gaz taqsimlash tarmog‘i yoki etarli quvvat mavjud emasligi rad etish uchun asos bo‘lishi mumkin.

Muhim: qonunchilikda nazarda tutilmagan boshqa sabablar bilan texnik shart berishni rad etishga yo‘l qo‘yilmaydi.

Loyiha va qurilish ishlari

Iste’molchi gaz ta’minoti loyihasini hududiy gaz ta’minoti tashkiloti yoki tegishli huquqqa ega boshqa loyiha tashkilotiga buyurtma qilishi mumkin.

Loyiha kelishish uchun yuborilganda gaz ta’minoti tashkiloti uni uch ish kunida ko‘rib chiqadi. Kamchiliklar bartaraf etilgandan keyin takroriy ko‘rib chiqish bir ish kunidan oshmasligi kerak.

Qurilish-montaj ishlari faqat vakolatli tashkilot tomonidan tasdiqlangan loyiha asosida bajariladi.

Plombalash va shartnoma

Ishlar tugagach, hisoblagichni plombalash va shartnoma tuzish uchun DXM yoki YaIDXP orqali ariza beriladi.

Gaz ta’minoti tashkiloti belgilangan tartibda:

ob’ektga chiqadi;
hisoblagichni plombalaydi;
plombalash dalolatnomasini rasmiylashtiradi;
gaz etkazib berish shartnomasini yuboradi.

Iste’molchi shartnomani belgilangan muddatda tasdiqlaydi. Gaz etkazib berish shartnomada nazarda tutilgan to‘lov amalga oshirilgandan keyin boshlanadi.

Tartib Vazirlar Mahkamasining 256-son qarori va Tabiiy gazdan foydalanish qoidalari bilan belgilangan.

Maqola foydali bo‘ldimi?

Bo‘limlar