Javob: Munitsipal, idoraviy uy-joy fondi va aniq maqsadli kommunal uy-joy fondidan turar joylar fuqarolarga uy-joy maydonining ijtimoiy normasiga muvofiq beriladi.

Uy-joy maydonining ijtimoiy normasi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan bir kishi hisobiga 16 kvadrat metrdan kam bo‘lmagan umumiy maydon hajmida, kreslo-aravachada harakatlanadigan nogironlar uchun esa – 23 kvadrat metrdan kam bo‘lmagan hajmda belgilanadi.

Javob: Ko‘p kvartirali uylarning ayrim turar joy va noturar joy xonalarini isitishning ushbu tizimlarini issiqlik jihatidan va gidravlik qayta tartibga solmaslik uchun isitish va issiq suv ta’minotining uy ichidagi tizimidan uzish taqiqlanadi.

Javob: Buning uchun Sh. ismli shaxs yolg‘iz yashovchi qo‘shnisi bilan umrbod ta’minlash sharti bilan kvartirani boshqa shaxsga berish shartnomasini yozma shaklda tuzib, uni notarial tartibda tasdiqlatishi lozim.

Umrbod ta’minlash sharti bilan kvartirani boshqa shaxsga berish shartnomasida boshqa shaxsga beruvchiga qanday moddiy ta’minot turlari berilishi, ularning pul bilan ifodalangan bir oylik bahosi va kvartiraning qiymati ko‘rsatilishi lozim. Beriladigan kvartira va moddiy ta’minot qiymati taraflar kelishuvi bilan belgilanadi.

Javob: M. ismli shaxs xizmat turar joyi bergan tashkilotda o‘n yildan ko‘p ishlagani sababli, unga tashkilot tomonidan doimiy yashashga mo‘ljallangan, belgilangan sanitariya, yong‘inga qarshi, texnik talablarga javob beradigan hamda ushbu aholi punkti chegarasi doirasida bo‘lgan boshqa turar joy berilgan holda xizmat turar joyidan ko‘chirilishi lozim.

Agarda ushbu fuqaro boshqa turar joy berilmagan holda xizmat turar joyidan ko‘chirilgan taqdirda, u sudga boshqa turar joy bilan ta’minlash majburiyaini yuklash haqida da’vo ariza bilan murojaat qilish huquqiga ega.

Javob: Isitish mavsumi davrida 1995-yilgacha qurilgan ko‘p qavatli turar joy xonalaridagi harorati kamida 20^o S, agar ko‘p qavatli uylardagi issiqlik tizimi rekonstruktsiya qilinmagan bo‘lsa – turar joy xonalaridagi harorat kamida 18^o S bo‘lishi, issiq suv ta’minoti bo‘yicha – suv olish joylarida issiq suvning harorati 50 – 75^o S bo‘lishi kerak.