Sudьyani rad qilish

Sudьyani rad qilish asoslari

Sudьya quyidagi hollarda ishni ko‘rishda ishtirok eta olmaydi va rad qilinishi lozim:

mazkur ishda sudьya sifatida ilgari ishtirok etgan bo‘lsa va uning takroran ishtirok etishiga qonun yo‘l qo‘ymasa;
ishda ilgari hakamlik sudi sudьyasi, arbitr, prokuror, ekspert, mutaxassis, tarjimon, sud majlisi kotibi, vakil yoki guvoh sifatida ishtirok etgan bo‘lsa;
ishda ishtirok etuvchi shaxs yoki uning vakilining qarindoshi bo‘lsa;
ish natijasidan shaxsan, bevosita yoki bilvosita manfaatdor bo‘lsa;
sudьyaning xolisligiga asosli shubha tug‘diruvchi boshqa holatlar mavjud bo‘lsa;
ishni ko‘rayotgan hay’at tarkibidagi boshqa sudьyaning qarindoshi bo‘lsa.

Sudьyaning takroran ishtirok etishi

Birinchi instantsiyada ishni ko‘rgan sudьya shu ishni apellyatsiya, kassatsiya yoki taftish instantsiyasida ko‘ra olmaydi. Xuddi shu cheklov boshqa instantsiyalarda ishtirok etgan sudьyaga nisbatan ham qo‘llanadi.

Taftish instantsiyasida ishni ko‘rgan sudьya shu ishni birinchi, apellyatsiya yoki kassatsiya instantsiyasida, shuningdek yuqori sudda takroran taftish tartibida ko‘rishda ishtirok eta olmaydi.

Rad qilish arizasini berish

Rad qilish to‘g‘risidagi ariza:

asoslantirilgan bo‘lishi;
rad qilishga sabab bo‘lgan holatlar ko‘rsatilishi;
ishni mazmunan ko‘rish boshlanguniga qadar berilishi kerak.

Agar rad qilish asosi keyinroq ma’lum bo‘lgan bo‘lsa, ariza ishni ko‘rish davomida ham berilishi mumkin.

Muhim: Ayni bir shaxs tomonidan ayni bir asos bo‘yicha takroran bildirilgan rad qilish arizasi ko‘rib chiqilmaydi.

Arizani ko‘rib chiqish

Ishni yakka tartibda ko‘rayotgan sudьyani rad qilish masalasini sud raisi, bir tarkibli sudda esa shu sudьya hal qiladi.

Ish hay’atda ko‘rilayotganda masala rad qilinishi so‘ralayotgan sudьyaning ishtirokisiz, qolgan sudьyalarning ko‘pchilik ovozi bilan hal qilinadi. Ovozlar teng bo‘lsa, sudьya rad qilingan hisoblanadi.

Arizani ko‘rish natijasi bo‘yicha ajrim chiqariladi. Rad qilish qanoatlantirilsa, ish shu sudning boshqa sudьyasi yoki boshqa tarkibi tomonidan ko‘riladi.

Tartib O‘zbekiston Respublikasining Iqtisodiy protsessual kodeksi bilan belgilangan.

Maqola foydali bo‘ldimi?

Bo‘limlar