O‘zbekiston Respublikasi Huquqni muhofaza qilish akademiyasi

Akademiyaning maqomi

O‘zbekiston Respublikasi Huquqni muhofaza qilish akademiyasi Bosh prokuratura Akademiyasi negizida tashkil etilgan maxsus oliy ta’lim va ilmiy-tadqiqot muassasasi hisoblanadi.

Akademiya:

— bakalavriat;

— magistratura;

— oliy ta’limdan keyingi ta’lim;

— huquqni muhofaza qiluvchi organlar xodimlarini qayta tayyorlash va malakasini oshirish;

— ilmiy-tadqiqot faoliyatini amalga oshiradi.

Bakalavriat

Akademiyada, jumladan, «Tergov faoliyati» bakalavriat yo‘nalishi bo‘yicha kadrlar tayyorlanadi.

Ushbu yo‘nalishda ta’lim kunduzgi shaklda tashkil etilib, nomzodlar belgilangan maxsus tanlov tartibidan o‘tadi.

Nomzodlarni saralash va qabul qilish haqidagi e’lon har yili 1 fevralga qadar joylashtiriladi.

Qabul bosqichlari

«Tergov faoliyati» yo‘nalishiga qabul jarayoni bir nechta bosqichni o‘z ichiga oladi.

Jumladan:

— dastlabki tanlov;

— maxsus psixologik tanlov;

— yozma imtihon;

— test sinovi o‘tkaziladi.

Har bir bosqich bo‘yicha talablar Akademiyaning maxsus qabul qoidalarida belgilanadi.

Harbiy tayyorgarlik

«Tergov faoliyati» yo‘nalishidagi talabalar uchun Mirzo Ulug‘bek nomidagi O‘zbekiston Milliy universitetining Harbiy tayyorgarlik o‘quv markazida bepul harbiy tayyorgarlikdan o‘tish imkoniyati nazarda tutilgan.

Bitirgandan keyingi xizmat majburiyati

Tegishli bakalavriat dasturini davlat granti asosida tamomlagan bitiruvchilar uchun vakolatli surishtiruv va tergov organlarida kamida 3 yil xizmat qilish yoki ishlash majburiyati nazarda tutilgan.

Eslatma: qonunchilikda belgilangan holatlarda bitiruvchi majburiy xizmatni o‘tashdan bosh tortsa yoki uni bajarmasa, diplomni olish uchun bitirgan yilda amal qilgan kontrakt miqdorining 25 baravariga teng kompensatsiya to‘lashi talab qilinishi mumkin.

Magistratura va ilmiy tayyorgarlik

Akademiyada magistratura hamda oliy ta’limdan keyingi ta’lim shakllari orqali huquqni muhofaza qilish sohasida yuqori malakali va ilmiy kadrlar tayyorlanadi.

Qabul parametrlari, mutaxassisliklar va tanlov tartibi tegishli normativ hujjatlar hamda har yilgi qabul parametrlariga muvofiq belgilanadi.

Normativ hujjatlar

Maqola foydali bo‘ldimi?

Bo‘limlar