Dalolatnoma yozuvlarini tiklash

Dalolatnoma yozuvini tiklash nima?

Dalolatnoma yozuvini tiklash — ilgari tug‘ilganlik, nikoh tuzilganligi, nikohdan ajralganlik yoki boshqa fuqarolik holati haqida yozuv mavjud bo‘lganini tasdiqlovchi etarli asoslar bo‘lganda yo‘qolgan yozuvni qayta tiklashdir.

Muhim: guvohnoma yo‘qolgan, lekin FHDYo tizimida dalolatnoma yozuvi saqlangan bo‘lsa, yozuvni tiklash emas, takroriy guvohnoma olish talab etiladi.

Kim murojaat qilishi mumkin?

Tug‘ilganlik, nikoh tuzilganligi va nikohdan ajralganlik haqidagi yozuvni tiklash uchun, odatda, yozuv kimga nisbatan tuzilgan bo‘lsa, o‘sha shaxsning o‘zi murojaat qiladi.

16 yoshga to‘lmagan bolaga nisbatan uning:

ota-onasi;
vasiysi yoki homiysi;
bola joylashtirilgan tegishli muassasa vakili murojaat qilishi mumkin.

Dalolatnoma yozuvining ikkala nusxasi ham yo‘qolgan bo‘lsa, 16 yoshga to‘lgan fuqaro FHDYo organiga shaxsan ariza beradi.

Arizaga ilova qilinadigan ma’lumotlar

Ariza bilan birga:

ariza beruvchining pasporti yoki ID-kartasi nusxasi;
tiklanishi so‘ralayotgan yozuvga taalluqli shaxslar haqidagi ma’lumotlar;
yozuv avval mavjud bo‘lganini tasdiqlovchi hujjatlar, agar ular ariza beruvchida bo‘lsa;
masalani hal qilish uchun ahamiyatli boshqa hujjatlar taqdim etilishi mumkin.

FHDYoning yagona elektron arxivi va idoralararo axborot tizimlarida mavjud ma’lumotlar ariza beruvchidan qayta talab qilinmaydi.

Ko‘rib chiqish muddati

Ariza FHDYo organi tomonidan 15 kun mobaynida ko‘rib chiqiladi. Zarur tasdiqlovchi ma’lumotlarni olish bilan bog‘liq uzrli sabablar mavjud bo‘lsa, muddat ko‘pi bilan 15 kunga uzaytirilishi mumkin. Bu haqda ariza beruvchiga xabar beriladi.

Yozuvni tiklash uchun etarli asoslar aniqlanmasa, FHDYo organi asoslantirilgan rad javobi beradi. Rad etish ustidan sudga murojaat qilish mumkin.

Xizmat uchun qonunchilikda belgilangan tartibda davlat boji undiriladi.

Normativ hujjatlar

Maqola foydali bo‘ldimi?

Bo‘limlar