Bolani umumta’lim maktabining 1-sinfiga qabul qilish

Bola 1-sinfga necha yoshda qabul qilinadi?

Umumta’lim maktabining 1-sinfiga bola 7 yoshga to‘ladigan yilda qabul qilinadi.

Davlat xizmati bepul ko‘rsatiladi va ariza beruvchidan yig‘im undirilmaydi.

Mikrohudud — muayyan davlat umumta’lim maktabiga biriktirilgan hudud.

Ariza qachon va qaerga beriladi?

Ota-ona yoki qonuniy vakil har yili 20 iyundan 31-iyulga qadar:

Yagona interaktiv davlat xizmatlari portali;
Maktabgacha va maktab ta’limi vazirligining elektron xizmatlar portali orqali ro‘yxatdan o‘tib, so‘rovnomani to‘ldiradi.

Davlat xizmati elektron tarzda ko‘rsatilmaydigan hududlarda qabul haqidagi ma’lumotlar belgilangan tartibda vazirlik tizimiga kiritiladi.

Bola qaysi maktabga qabul qilinadi?

Bola doimiy yashash va amalda istiqomat qilish manzili bo‘yicha biriktirilgan mikrohududdagi maktabga qabul qilinadi.

Turgan joyi bo‘yicha vaqtincha ro‘yxatdan o‘tgan oila farzandlari 1-avgustdan keyin mikrohududdan tashqari maktablardagi bo‘sh o‘rinlarga qabul qilinadi.

Agar mikrohududda tanlangan ta’lim tilida sinf bo‘lmasa, shu tilda ta’lim beriladigan yaqin maktab biriktiriladi.

Maktabga qanday boriladi?

Elektron so‘rovnoma qabul qilingach, ariza beruvchi bolasi bilan birga onlayn navbatda belgilangan vaqtda maktabga boradi va bolaning sog‘lig‘i haqidagi tibbiy ma’lumotnomani taqdim etadi.

Qabul komissiyasi bolani qabul qilish yoki asoslantirilgan holda rad etish haqida bir ish kuni ichida qaror qabul qiladi.

Mikrohududdan tashqari maktabga qabul qilish mumkinmi?

1-avgustdan keyin mikrohudud bo‘yicha qabul yakunlangach, bo‘sh o‘rinlar mavjud maktablarga elektron tarzda murojaat qilish mumkin.

Maktab qabul yoki rad etish haqida bir ish kuni ichida qaror qabul qiladi. Qabul qilingan bolaning tibbiy ma’lumotnomasi uch ish kuni ichida yangi maktabga topshiriladi.

Qaysi hollarda qabul rad etiladi?

Qabul quyidagi hollarda rad etilishi mumkin:

tibbiy ma’lumotnomada umumta’lim maktabida o‘qish tavsiya etilmagan bo‘lsa;
boshqa tilda ta’lim beriladigan sinf tanlanib, bola shu tilda boshlang‘ich so‘zlashuv ko‘nikmasiga ega bo‘lmasa;
so‘rovnomada noto‘g‘ri ma’lumotlar ko‘rsatilsa.

Boshqa asoslar bo‘yicha qabulni rad etishga yo‘l qo‘yilmaydi. Kamchiliklar bartaraf etilgandan keyin qayta murojaat qilish mumkin.

Normativ hujjatlar

Maqola foydali bo‘ldimi?

Bo‘limlar