Avtotransport vositalari haqida ma’lumotnoma olish

Xizmatdan foydalanuvchilar

Xizmatdan jismoniy va yuridik shaxslar foydalanishi mumkin. Ma’lumotnoma Ichki ishlar vazirligi Jamoat xavfsizligi departamenti Yo‘l harakati xavfsizligi xizmati ma’lumotlari asosida shakllantiriladi.

Ariza beruvchi faqat o‘ziga tegishli avtotransport vositalari haqida ma’lumot olishi mumkin.

Shu sababli boshqa shaxsga tegishli avtomobilь bo‘yicha ushbu xizmat orqali to‘liq ma’lumotnoma berilmaydi.

Murojaat uchun kerakli ma’lumotlar

Jismoniy shaxs bo‘yicha:

familiya, ism va otasining ismi;
pasport yoki ID-karta ma’lumotlari;
JShShIR.

Yuridik shaxs bo‘yicha:

yuridik shaxsning to‘liq nomi;
STIR.

Ariza beruvchi ma’lumotnoma tilini — o‘zbek yoki rus tilini tanlaydi. Shaxs va transport vositasiga doir ma’lumotlarning asosiy qismi axborot tizimlaridan avtomatik ravishda olinadi.

Ma’lumotnomada aks ettiriladigan ma’lumotlar

Ma’lumotnomada transport vositasining:

rangi, ishlab chiqarilgan yili va turi;
kuzov yoki shassi raqami;
dvigatelь raqami va yonilg‘i turi;
to‘la va yuksiz vazni;
oynalarni qoraytirish ruxsatnomasi berilgan sana va uning amal qilish muddati;
sug‘urta polisining seriyasi, raqami, turi va amal qilish muddati;
sug‘urta polisiga kiritilgan haydovchilar;
sug‘urta hodisasi;
texnik ko‘rikdan o‘tganligi haqidagi ma’lumotlar aks ettiriladi.

Xizmat narxi va natija

Xizmat bepul ko‘rsatiladi. Ma’lumotnoma elektron axborot tizimida real vaqt rejimida shakllantiriladi va ariza beruvchining shaxsiy kabinetiga yuboriladi.

Ma’lumotnoma axborot tizimlarida mavjud ma’lumotlar asosida shakllanadi. Noto‘g‘ri ma’lumot aniqlansa, uni kiritgan vakolatli organga tuzatish kiritish uchun murojaat qilish lozim.

Normativ hujjatlar

Vazirlar Mahkamasining 2023-yil 20 noyabrdagi 612-son qarori

Maqola foydali bo‘ldimi?

Bo‘limlar