Yo‘qolgan milliy haydovchilik guvohnomasi o‘rniga yangisini olish

Murojaat qilish tartibi

Yo‘qolgan milliy haydovchilik guvohnomasi o‘rniga yangi guvohnoma olish uchun:

Yagona interaktiv davlat xizmatlari portali orqali elektron so‘rovnoma yuborish;
Davlat xizmatlari markaziga murojaat qilish;
Yo‘l harakati xavfsizligi xizmatining ro‘yxatdan o‘tkazish va imtihon olish bo‘linmasiga borish mumkin.

Yangi namunadagi haydovchilik guvohnomasi yo‘qolgan bo‘lsa, odatda faqat elektron so‘rovnoma to‘ldiriladi. Eski namunadagi guvohnoma yoki uning talonining nusxasi mavjud bo‘lsa, so‘rovnomaga ilova qilinadi.

Ma’lumotlarni tekshirish

Ariza beruvchining transport vositasini boshqarish huquqi mavjudligi va ushbu huquqdan mahrum etilmaganligi Yo‘l harakati xavfsizligi xizmatining axborot tizimi orqali tekshiriladi.

Yo‘qolgan haydovchilik guvohnomasi o‘rniga yangi guvohnoma berish uchun nazariy va amaliy imtihonlar topshirilmaydi.

Agar yo‘qolgan guvohnoma haqidagi ma’lumot axborot tizimida aniqlanmasa, ariza beruvchi Yo‘l harakati xavfsizligi organiga umumiy tartibda murojaat qiladi.

To‘lov va ko‘rib chiqish muddati

Yo‘qolgan haydovchilik guvohnomasi o‘rniga yangi namunadagi milliy haydovchilik guvohnomasini berish uchun bazaviy hisoblash miqdorining 1 baravari miqdorida to‘lov undiriladi.

So‘rovnoma vakolatli organga kelib tushganidan keyin 2 ish soati davomida ko‘rib chiqiladi. Ma’lumotlar to‘g‘ri bo‘lsa, guvohnoma nashrga yuboriladi va tayyor bo‘lgani haqida ariza beruvchiga elektron xabar beriladi.

Guvohnoma uchun ID-karta yoki biometrik pasportdagi raqamli suratdan foydalanish mumkin. Ariza beruvchi xohlasa, Davlat xizmatlari markazi yoki Yo‘l harakati xavfsizligi bo‘linmasida suratga tushadi.

Guvohnomani olish

Tayyor guvohnomani:

so‘rovnomada ko‘rsatilgan Davlat xizmatlari markazi yoki Yo‘l harakati xavfsizligi bo‘linmasidan;
qo‘shimcha haq evaziga pochta orqali olish mumkin.

Pochta orqali etkazib berish Toshkent shahri va viloyat markazlarida 1 ish kuni, boshqa hududlarda 2 ish kuni ichida amalga oshiriladi.

Rad etish asoslari

Quyidagi holatlarda xizmat ko‘rsatish rad etiladi:

guvohnoma haqidagi ma’lumot axborot tizimida tasdiqlanmasa;
ariza beruvchi transport vositasini boshqarish huquqidan mahrum etilgan bo‘lsa;
so‘rovnomada noto‘g‘ri ma’lumotlar ko‘rsatilsa;
belgilangan to‘lov amalga oshirilmasa.

Ariza beruvchi rad etilgan kundan boshlab 30 ish kuni ichida kamchiliklarni bartaraf etib, qo‘shimcha yig‘im to‘lamasdan qayta murojaat qilishi mumkin.

Normativ hujjatlar

Maqola foydali bo‘ldimi?

Bo‘limlar