Avtotransport vositasini boshqarish uchun elektron ishonchnoma berish

Elektron ishonchnomaning doirasi

Jismoniy shaxs o‘ziga tegishli avtomototransport vositasini boshqa jismoniy shaxsga boshqarish uchun Yagona interaktiv davlat xizmatlari portali orqali elektron ishonchnoma berishi mumkin.

Elektron ishonchnoma:

transport vositasini boshqarish huquqini beradi;
transport vositasini sotish huquqini bermaydi;
boshqarish vakolatini yana boshqa shaxsga o‘tkazish huquqini bermaydi.

Ushbu elektron ishonchnoma transport vositasini sotish, tasarruf etish yoki boshqarish vakolatini boshqa shaxsga o‘tkazish huquqini bermaydi.

Elektron ishonchnoma rasmiylashtirish

Rasmiylashtirish tartibi

Transport vositasining mulkdori YaIDXPda ro‘yxatdan o‘tib, elektron so‘rovnomani to‘ldiradi. So‘rovnomada:

mulkdorning pasport yoki ID-karta ma’lumotlari va JShShIRi;
ishonchnoma berilayotgan shaxslarning pasport yoki ID-karta ma’lumotlari va JShShIRi;
transport vositasi;
ishonchnomaning amal qilish muddati ko‘rsatiladi.

Ishonchnomaga kiritiladigan shaxslar soniga cheklov belgilanmagan. Ma’lumotlar vakolatli organlarning axborot tizimlari orqali avtomatik tekshiriladi.

Amal qilish muddati va davlat boji

Ishonchnoma mulkdorning tanloviga ko‘ra:

1 oygacha;
1 oydan ortiq, 6 oygacha;
6 oydan ortiq, 3 yilgacha rasmiylashtiriladi.

Davlat boji notarial ishonchnoma uchun belgilangan davlat bojiga nisbatan:

1 oygacha — 10 foiz;
1 oydan ortiq 6 oygacha — 50 foiz;
6 oydan ortiq 3 yilgacha — 100 foiz miqdorida undiriladi.

I va II guruh nogironligi bo‘lgan shaxslarga 50 foiz chegirma qo‘llaniladi.

Natija va yuridik kuch

To‘lov amalga oshirilgach, QR-kodli elektron ishonchnoma real vaqt rejimida shakllantiriladi va mulkdorning shaxsiy kabinetiga yuboriladi.

QR-kodli elektron ishonchnoma notarial tasdiqlangan ishonchnoma bilan bir xil yuridik kuchga ega.

Ishonchnoma haqidagi ma’lumot Ichki ishlar vazirligining axborot tizimiga avtomatik yuboriladi. Yo‘l harakati xavfsizligi xodimlari uni planshet yoki mobil qurilma orqali tekshiradi.

Ishonchnomani bekor qilish

Mulkdor ishonchnomani YaIDXP orqali istalgan vaqtda bepul bekor qilishi mumkin. Ishonchnoma muddatidan oldin bekor qilinsa, to‘langan davlat boji qaytarilmaydi.

Ishonchnoma muddati tugaganda, mulkdor o‘zgarganda yoki qonunchilikda belgilangan boshqa holatlarda ham amal qilishdan to‘xtaydi.

Normativ hujjatlar

Maqola foydali bo‘ldimi?

Bo‘limlar