Ta’lim tashkilotlarida xona harorati va mikroiqlim talablari

Mikroiqlim nima?

Xona mikroiqlimi — havo harorati, nisbiy namlik, havo harakati va havo almashinuvi kabi insonning salomatligi va ish qobiliyatiga ta’sir qiluvchi ko‘rsatkichlar majmuasi.

Ta’lim tashkilotida barcha xonalar uchun bitta umumiy harorat ko‘rsatkichi belgilanmagan. Me’yor sinf, laboratoriya, ustaxona, yotoqxona yoki AKT xonasi ekaniga qarab belgilanadi.

Oddiy sinf xonasida harorat qancha bo‘lishi kerak?

Sovuq mavsumda sinf, o‘quv xonasi, laboratoriya, musiqa sinfi va kutubxonaning o‘qish qismi uchun hisobiy harorat iqlim zonasiga qarab:

I va II zonalarda — kamida 20°C;
III zonada — kamida 21°C etib belgilangan.

Issiqlik komfortining chegaraviy va optimal ko‘rsatkichlari bundan yuqori bo‘lishi mumkin. 1–4-sinflar va bino burchagida joylashgan xonalarda haroratni jadvaldagi ko‘rsatkichdan 1–2°C yuqori belgilash tavsiya etiladi.

Havo almashinuvi hisob-kitob asosida, biroq har bir kishi uchun soatiga kamida 20 m³ bo‘lishi kerak.

Mehnatni muhofaza qilish bo‘yicha eng past harorat qancha?

Ish joylarida harorat:

engil jismoniy ishda — 21°C dan;
o‘rtacha og‘ir ishda — 17°C dan;
og‘ir jismoniy ishda — 16°C dan past bo‘lmasligi kerak.

Ushbu ko‘rsatkichlar ishning og‘irligiga bog‘liq mehnatni muhofaza qilish me’yorlari bo‘lib, har bir sinf xonasining yagona sanitariya me’yori hisoblanmaydi.

Fizika laboratoriyasida qanday me’yor bor?

Fizika o‘quv laboratoriyasida:

harorat doimiy ravishda 18–21°C;
havoning nisbiy namligi 40–60 foiz bo‘lishi kerak.

Laboratoriyada shamollatish, elektr va boshqa muhandislik tizimlari xavfsiz holatda bo‘lishi shart.

Kompьyuter xonasida harorat qancha bo‘lishi kerak?

AKT va kompьyuter o‘quv xonalarida:

optimal harorat — 18–20°C;
ruxsat etilgan harorat — 18–22°C;
nisbiy namlik — 40–60 foiz;
havo harakati tezligi — 0,1 m/s dan oshmasligi kerak.

Kompьyuterlar issiqlik chiqargani sababli xonani muntazam shamollatish va havo aylanishini ta’minlash muhim.

Harorat talabga javob bermasa nima qilish kerak?

O‘quvchi yoki ota-ona:

sinf rahbari yoki maktab ma’muriyatiga xabar berishi;
xona haroratini termometr bilan o‘lchashni so‘rashi;
natijani dalolatnoma yoki yozma murojaatda qayd etishni talab qilishi;
isitish, shamollatish yoki boshqa kamchilikni bartaraf etishni so‘rashi mumkin.

Muammo hal etilmasa, hududiy maktabgacha va maktab ta’limi organiga yoki vakolatli sanitariya-epidemiologiya organiga murojaat qilish mumkin.

Normativ hujjatlar

Maqola foydali bo‘ldimi?

Bo‘limlar