Huquqiy maslahat - bepul,tezkor, hammaga!
Uy-joyni ijaraga oluvchining asosiy huquq va majburiyatlari
- 3435 marta o'qildi
Ijaraga oluvchi qanday asosiy huquqlarga ega?
Ijaraga oluvchi shartnoma asosida o‘ziga berilgan uy-joydan yashash maqsadida foydalanish huquqiga ega. Ko‘p kvartirali uyda u uyning umumiy foydalaniladigan mol-mulkidan ham tegishli tartibda foydalanishi mumkin.
Shuningdek, qonunda belgilangan shartlarda ijaraga oluvchi:
- o‘zi bilan doimiy yashaydigan shaxslarni shartnomada ko‘rsatishi;
- oila a’zolarini shartnomaga kiritish masalasini qo‘yishi;
- vaqtincha yashovchilarga bepul yashashga ruxsat berishi;
- ijaraga beruvchining roziligi bilan uy-joyni ikkilamchi ijaraga berishi;
- oddiy muddatli shartnomada yangi muddatga shartnoma tuzishda imtiyozli huquqdan foydalanishi mumkin.
Uy-joyning egasi almashsa, ijara shartnomasi bekor bo‘ladimi?
Yo‘q. Ijaraga berilgan uy-joyga mulk huquqi boshqa shaxsga o‘tishi shartnomani o‘z-o‘zidan o‘zgartirmaydi yoki bekor qilmaydi.
Yangi mulkdor avval tuzilgan shartnoma shartlari bo‘yicha ijaraga beruvchiga aylanadi.
Ijara haqini o‘z vaqtida to‘lash shartmi?
Ha. Ijaraga oluvchi uy-joy haqini shartnomada ko‘rsatilgan muddatlarda to‘lashi shart.
Agar to‘lov muddati shartnomada belgilanmagan bo‘lsa, ijara haqi har oy to‘lanadi. Shartnomada boshqacha qoida bo‘lmasa, kommunal xizmatlar haqini ham ijaraga oluvchi mustaqil to‘laydi.
Ijara haqining miqdori taraflar kelishuvi bilan belgilanadi va qonun yoki shartnomada nazarda tutilmagan holda uni bir tomonlama o‘zgartirish mumkin emas.
Uy-joydan qanday foydalanish kerak?
Ijaraga oluvchi:
- uy-joydan uning belgilangan vazifasi bo‘yicha foydalanishi;
- uy-joyni saqlashi va yaxshi holatda tutishi;
- ijaraga beruvchining roziligisiz uni qayta qurmasligi yoki tuzilishini o‘zgartirmasligi;
- shartnoma bo‘yicha to‘lovlarni o‘z vaqtida amalga oshirishi kerak.
U bilan birga doimiy yoki vaqtincha yashaydigan shaxslarning shartnoma talablarini buzuvchi xatti-harakatlari uchun ham ijaraga oluvchi ijaraga beruvchi oldida javobgar bo‘lishi mumkin.
Ta’mirlash kimning zimmasida?
Shartnomada boshqacha belgilanmagan bo‘lsa:
- joriy ta’mir — ijaraga oluvchining;
- kapital ta’mir — ijaraga beruvchining zimmasida bo‘ladi.
Ijaraga oluvchi ijaraga beruvchining roziligisiz uy-joyni qayta qurishi yoki uning tuzilishini o‘zgartirishi mumkin emas.
Ijaraga oluvchi shartnomani o‘zi bekor qila oladimi?
Ha. Ijaraga oluvchi o‘zi bilan birga doimiy yashaydigan boshqa fuqarolarning roziligi bilan ijaraga beruvchini 3 oy oldin yozma ravishda ogohlantirib, shartnomani istalgan vaqtda bekor qilish huquqiga ega.
Taraflar o‘zaro kelishib ham shartnomani bekor qilishlari mumkin.
Ijaraga beruvchi qachon shartnomani bekor qilishni talab qilishi mumkin?
Ijaraga beruvchining talabiga ko‘ra shartnoma sud orqali, jumladan:
- agar shartnomada uzoqroq muddat belgilanmagan bo‘lsa, uy-joy haqi 6 oy davomida to‘lanmasa;
- qisqa muddatli ijarada belgilangan to‘lov muddatidan keyin haq 2-martadan ko‘proq to‘lanmasa;
- ijaraga oluvchi yoki u javobgar bo‘lgan shaxslar uy-joyni vayron qilsa yoki unga putur etkazsa;
- uy-joydan g‘ayriqonuniy qilmishlarni sodir etish uchun foydalanilsa bekor qilinishi mumkin.
Agar ijaraga oluvchi yoki u javobgar shaxslar uy-joydan belgilangan maqsadda foydalanmasa yoki qo‘shnilarning huquq va manfaatlarini muntazam buzsa, ijaraga beruvchi avval qoidabuzarlikni bartaraf etish haqida ogohlantirishi mumkin. Ogohlantirishdan keyin ham qoidabuzarlik davom etsa, shartnomani sud tartibida bekor qilish talab qilinishi mumkin.
Eslatma: uy-joyning sotilishi yoki boshqa shaxsga mulk sifatida o‘tishi ijaraga oluvchini avtomatik ravishda chiqarib yuborish uchun asos emas — amaldagi ijara shartnomasi yangi mulkdor uchun ham saqlanadi.
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/ijtimoiy.png)
/2222.png)
/11.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/13.png)
/gender.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/19.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/2.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/9.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/12.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/vatandoshlar%2010.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/Informatization%202.png)
/4.png)
/vote%202%20%D0%BA%D0%BE%D0%BF%D0%B8%D1%8F.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/saldatkui.png)
/6.png)
/3.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/8.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/transport.png){kind=spacer}
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/Green_Right_Arrow_Transparent_PNG_Clip_Art_Image.png){kind=spacer}
/Tamojni.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/17.png)
/construction.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/7.png)
/%D0%91%D0%B5%D0%B7%D1%8B%D0%BC%D1%8F%D0%BD%D0%BD%D1%8B%D0%B9-1.png)
/YXk.png)
/travl%203.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/14.png)
/tree.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/Sport_madad.png)
/Informatization.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/5.png)
