Sayt test rejimida ishlamoqda

Huquqiy axborot - hammaga, har doim, hamma joyda!

  • 897 marta o'qildi

Tibbiyot tashkilotlarida O‘zbekiston Respublikasi Davlat byudjeti mablag‘lari hisobiga tibbiy yordam:

  • tuman (shahar) darajasida (pullik tashkilotlar, bo‘lim va palatalar bundan mustasno) — aholining (mijozlarning) barcha toifalariga;
  • viloyat (Toshkent shahri) va respublika darajalarida (pullik tashkilotlar, bo‘lim va palatalar bundan mustasno) — mijozlarning imtiyozli toifalariga ko‘rsatiladi.

Viloyat ko‘p tarmoqli tibbiyot markazida quyidagi shaxslarga bepul yordam ko‘rsatiladi:
  • to‘liq etimlar;
  • I va II guruh nogironligi bo‘lgan shaxslar;
  • bolalikdan nogironligi bo‘lganlar;
  • 1941-1945-yillardagi urush faxriylari va nogironlari hamda ularga tenglashtirilgan shaxslar;
  • 1941-1945-yillardagi urush yillarida mehnat fronti ishtirokchilari;
  • yoshiga ko‘ra ishlamayotgan nafaqaxo‘rlar;
  • Chernobil AES halokatini bartaraf etishda ishtirok etgan shaxslar orasidan nogironligi bo‘lganlar;
  • Baynalmilal jangchilar;
  • fuqarolarning o‘zini o‘zi boshqarish organlarida nafaqa olayotgan kam ta’minlangan oilalar a’zolari;
  • ijtimoiy ahamiyatga ega kasalliklarga chalingan shaxslar;
  • 15-17 yoshli o‘smirlar va chaqiruv komissiyalari yo‘nalishlari bo‘yicha chaqiruv yoshidagi (18-27 yoshli) shaxslarni tekshiruvdan o‘tkazish va davolash. Batafsil havolada.

Tibbiy yordamning davlat tomonidan kafolatlangan hajmidan ortiqcha tibbiy va boshqa xizmatlar qo‘shimcha xizmatlar bo‘lib hisoblanadi va belgilangan tartibda mijoz tomonidan to‘lanadi.

Tibbiy yordamni rad etish yoki noto‘g‘ri tashxis qo‘yish yoxud tibbiyot tashkiloti xodimlarining harakati natijasida yuzaga kelgan murakkab vaziyatlar bilan bog‘liq qo‘shimcha xarajatlar tegishli tibbiyot tashkilotlarining byudjetdan tashqari mablag‘lari hisobidan qoplanadi.

Chat