Shaharsozlik hujjatlari ekspertizasi

Ekspertizani o‘tkazuvchi tashkilotlar

Shaharsozlik hujjatlari ekspertizasi:

maxsus vakolatli davlat organining ixtisoslashtirilgan tarkibiy bo‘linmalari;
vakolatli vazirlik va idoralarning ixtisoslashtirilgan tarkibiy bo‘linmalari;
ekspert komissiyalari va ekspert guruhlari;
akkreditatsiya qilingan yuridik shaxslar tomonidan o‘tkaziladi.

Alohida tartibga solinadigan shaharsozlik ob’ektlarining hujjatlari maxsus vakolatli davlat organining ixtisoslashtirilgan tarkibiy bo‘linmalari tomonidan ekspertizadan o‘tkaziladi.

Ekspertizada tekshiriladigan talablar

Ekspertiza jarayonida shaharsozlik hujjatlarining quyidagilarga muvofiqligi tekshiriladi:

shaharsozlik to‘g‘risidagi qonunchilik;
shaharsozlik normalari va qoidalari;
yong‘in xavfsizligi talablari;
ekologik normalar va qoidalar;
sanitariya qoidalari va normalari;
gigiena normativlari;
energiya samaradorligi va energiya tejamkorligi talablari.

Qurilish ob’ektlarining shaharsozlik hujjatlari zilzilaga bardoshlilik va yong‘in xavfsizligi yuzasidan majburiy ekspertizadan o‘tkaziladi.

Ekspertiza majburiy bo‘lmagan ob’ektlar

Quyidagi ob’ektlarning shaharsozlik hujjatlarini ekspertizadan o‘tkazish majburiy emas:

mavsumiy ishlar uchun vaqtinchalik va maishiy binolar;
hajmi 300 kub metrdan ortiq bo‘lmagan alohida qurilayotgan kichik ob’ektlar;
tsokolni hisobga olmaganda ikki qavatdan yuqori bo‘lmagan, balandligi 12 metrdan va umumiy maydoni 500 kvadrat metrdan oshmagan yakka tartibdagi uy-joylar;
I xavf-xatar toifasiga kiruvchi ob’ektlar;
joriy ta’mirlanayotgan binolar va inshootlar.

To‘g‘ridan-to‘g‘ri, shu jumladan chet el investitsiyalari hisobidan quriladigan ob’ektlarda faqat shaharsozlik hujjatlarining smeta qismini ekspertizadan o‘tkazish talab etilmaydi. Bu boshqa majburiy ekspertiza talablarini bekor qilmaydi.

Hujjatlarni yuborish va xulosani rasmiylashtirish

Vazirlar Mahkamasining 2021-yil 17-sentabrdagi 579-son qaroriga muvofiq, shaharsozlik hujjatlari ekspertiza tashkilotiga «Shaffof qurilish» milliy axborot tizimi orqali elektron shaklda yuboriladi.

Buyurtmachi ekspertizaga taqdim etilgan hujjatlarning to‘liqligi va ulardagi ma’lumotlarning ishonchliligi uchun javob beradi.

Ekspertiza buyurtmachi va ekspert tashkiloti o‘rtasida tuzilgan shartnoma asosida o‘tkaziladi. Ekspertiza xarajatlari loyihani ishlab chiqish qiymatiga kiritiladi.

Ijobiy ekspertiza xulosasi «Ekspert xulosalarining yagona reestri»ga kiritilgan taqdirdagina haqiqiy hisoblanadi.

Ijobiy xulosa shaharsozlik hujjatlarini kelishish, tasdiqlash va keyinchalik amalga oshirish uchun asos bo‘ladi.

Normativ hujjatlar

Maqola foydali bo‘ldimi?

Bo‘limlar