«Temir daftar» — ijtimoiy ahvoli va turmush sharoiti og‘ir hamda sektor rahbarlari tomonidan alohida nazoratga olingan oilalarni qayd etish, muammolarini aniqlash, bartaraf etish va nazoratini olib borish bo‘yicha ma’lumotlar bazasi.     

• Temir daftarga quyidagi toifadagi oilalar kiritiladi:

  a) bir vaqtning o‘zida oilada:

  • mehnatga layoqatli shaxs mavjud bo‘lmasa yoki yagona boquvchisi og‘ir kasal yoki nogironligi bo‘lgan oila a’zosi (lari)ni parvarish qilish bilan band bo‘lsa;
  • og‘ir kasal yoki nogironligi bo‘lgan oila a’zosi mavjud bo‘lsa;
  • oilaning moddiy ahvoli og‘ir bo‘lsa;
  • uy-joyi yo‘q yoki holati yomon ahvolda bo‘lsa;

  b) bir vaqtning o‘zida oilada:

  • mehnatga layoqatli shaxs mavjud bo‘lmasa yoki yagona boquvchisi og‘ir kasal bo‘lsa;
  • oila a’zosi yolg‘iz yoki yolg‘iz yashovchi bo‘lsa;
  • oilaning moddiy ahvoli og‘ir bo‘lsa;
  • uy-joyi yo‘q yoki holati yomon ahvolda bo‘lsa;
  • v) bir vaqtning o‘zida oilada:
  • mehnatga layoqatli shaxs mavjud bo‘lmasa yoki yagona boquvchisi og‘ir kasal yoki nogironligi bo‘lgan oila a’zosi (lari)ni parvarish qilish bilan band bo‘lsa;
  • boquvchisini yo‘qotgan bo‘lsa;
  • oilaning moddiy ahvoli og‘ir bo‘lsa;
  • uy-joyi yo‘q yoki holati yomon ahvolda bo‘lsa;

  g) bir vaqtning o‘zida oilada:

  • yagona boquvchi 3 va undan ortiq voyaga etmagan farzandlarini tarbiyalayotgan yolg‘iz ona (ota, vasiy yoki homiy) bo‘lsa;
  • oilaning moddiy ahvoli og‘ir bo‘lsa;
  • uy-joyi yo‘q yoki holati yomon ahvolda bo‘lsa;

  d) bir vaqtning o‘zida oilada:

  • 2 va undan ortiq oila a’zolarida og‘ir kasallik yoki I va II guruh nogironligi belgilangan bo‘lsa;
  • oilaning moddiy ahvoli og‘ir bo‘lsa;
  • uy-joyi yo‘q yoki holati yomon ahvolda bo‘lsa.

 «Temir daftar»ga kirish uchun «Yagona milliy ijtimoiy himoya» axborot tizimi orqali yoki bevosita «Inson» ijtimoiy xizmatlar markazlariga borish orqali taqdim etgan murojaati yoxud «Inson» ijtimoiy xizmatlar markazlarining ijtimoiy xodimlari tomonidan xonadonma-xonadon yurish jarayonida aniqlangan holatlar bo‘yicha kiritiladi.

• Oilaning «Temir daftar»ga kiritish haqidagi murojaati yoki ijtimoiy xodim tomonidan aniqlangan holatlar bo‘yicha ikki ish kunida «Inson» ijtimoiy xizmatlar markazlarining ijtimoiy xodimlari tomonidan ushbu oilalar (shaxslar)ning belgilangan toifaga to‘g‘ri kelishi keys-menejment usuli orqali o‘rganish natijasida aniqlanadi.
• Shakllantirilgan tavsiyanoma bir ish kuni ichida ko‘rib chiqish uchun «Mahalla ettiligi»ga kiritiladi.