Sayt test rejimida ishlamoqda

Huquqiy axborot - hammaga, har doim, hamma joyda!

  • 2376 marta o'qildi

Yakka tartibda uy-joy qurish uchun er ajratish tartibi

Yakka tartibda uy-joy qurish uchun er maydoni ajratish “E-IJRO AUKSION” orqali amalga oshiriladi.

Quyidagi toifalar uchun 0,04 gektar er maydoni auktsionsiz beriladi:

  • halok bo‘lgan harbiy xizmatchilar oilalariga;
  • o‘zlari egallab turgan uy-joyni tuman (shahar) hokimliklariga o‘tkazayotgan fuqarolar va mulkdorlarga beriladi.

Mazkur toifalar er maydoni ajratish uchun tuman (shahar) hokimliklariga ariza bilan murojaat qilishlari zarur.

Arizaga quyidagi hujjatlar ilova qilinadi
  • doimiy yashash joyi bo‘yicha turar joylarning kadastr ishi nusxasi (mavjud bo‘lgan taqdirda);
  • yuqoridagi imtiyozni tasdiqlovchi hujjatlar.

  • Tuman (shahar) hokimi tomonidan er ajratish uchun barcha asoslar mavjud bo‘lganda, 10 kun ichida tegishli qaror qabul qilinadi.
  • Auktsionga qatnashish uchun fuqarolar sotuvga qo‘yilgan er maydonining 50 foizi miqdorida zakalat to‘lashlari lozim.

Fuqarolarning o‘zlari tomonidan yakka tartibda uy-joy qurish uchun ipoteka kreditlari ajratish tartibi
  • Fuqarolar yakka tartibda uy-joy qurish uchun banklaridan ipoteka kreditlari olishlari mumkin. Buning uchun ular qurmoqchi bo‘lgan uy qiymatining kamida 25 foizi miqdoridagi o‘z mablag‘iga ega bo‘lishi kerak.
  • Ipoteka krediti berishda qurilayotgan uy-joy u joylashgan er uchastkasi bilan birga garovga qo‘yiladi.
  • Beriladigan kreditlar bo‘yicha muddat va kreditdan foydalanganlik uchun foiz stavkasi bank va qarz oluvchi o‘rtasidagi bitim bo‘yicha, bankning ichki kredit siyosatiga muvofiq belgilanadi.
  • Bank tomonidan beriladigan ipoteka krediti naqd pulsiz shaklda amalga oshiriladi. Bunda qarz oluvchiga alohida hisob raqami ochilib, undan qarz oluvchining yozma topshiriqnomasi asosida qurilish materiallari sotib olish uchun savdo tashkilotlari va yakka tartibdagi tadbirkorlarning banklardagi hisobraqamlariga to‘lovlarni amalga oshirish uchun mablag‘ o‘tkazib beriladi.
  • Yakka tartibda uy-joy qurish qarz oluvchining bevosita o‘zi tomonidan (xo‘jalik usulida) bajarilgan taqdirda, kredit shartnomasida kelishilgan kredit summasining 20 foizgacha bo‘lgan qismi qarz oluvchiga naqd pul shaklida berishga yo‘l qo‘yiladi.
  • Bank tomonidan ipoteka kreditlari qarz oluvchining bank kredit kartochkalariga o‘tkazish yo‘li bilan ham berilishi mumkin. Bunda bank kredit kartochkasidagi mablag‘lar faqat yakka tartibda uy-joy qurish uchun foydalanilishi zarur.
  • Qarz oluvchi bank kredit plastik kartochkasi vositasida amalga oshirilgan operatsiyalar to‘g‘risida hisobot taqdim etishi kerak.

Bankdan kredit olishda taqdim qilinadigan hujjatlar
  • yakka tartibda uy-joy qurish uchun er uchastkasiga bo‘lgan huquqni tasdiqlovchi hujjat (nusxasi olinib, asli qaytariladi);
  • qarz oluvchi va u bilan birga yashaydigan oila a’zolarining daromadlari to‘g‘risida ish joyidan (doimiy ish joyi mavjud bo‘lganda) ma’lumotnoma yoki daromadlar to‘g‘risidagi deklaratsiyalarning davlat soliq organi tomonidan tasdiqlangan nusxalari;
  • yakka tartibda uy-joy qurishga belgilangan tartibda kelishilgan va qarz oluvchi tomonidan tasdiqlangan loyihaning nusxasi;
  • quriladigan uyning kamida 25 foizi miqdorida pulni to‘laganligi to‘g‘risida bank ma’lumotnomasi;
  • ariza beruvchining oilasi tarkibi to‘g‘risida yashash joyidan berilgan ma’lumotnoma va uning pasporti nusxasi.

Chat