"2022 — 2026 йилларида Бухоро вилоятида туризм соҳасини янада ривожланитриш чора-тадбирлари тўғрисида"ги Ўзбекистон Республикаси Вазирлар Маҳкамасининг қарори қабул қилинди. (28.09.2022 йилдаги 543-сонли)

Қарорга мувофиқ, Бухоро вилоятидаги 800 дан зиёд маданий объектларни бирма-бир реставрация қилиш билан боғлиқ чора-тадбирлар амалга оширилади. 

Бухоро шаҳрида «Street Food» гастрономик кўчаси ташкил этилади ва гастрономик кўчани ташкил қилиш учун мўлжалланган кўча ва ер майдонларини тадбиркорларга муайян муддатга ўрнатилган тартибда вақтинчалик ижарага бериш чоралари кўрилади. 

«Қадимги Пойкент» археология мероси объектини муҳофаза қилиш, тадқиқ этиш, музейлаштириш чоралари кўрилиб, археология парки яратилади. Бухоро давлат музей қўриқхонаси ҳамда Бухоро вилоят ахборот кутубхона маркази фондидаги ноёб ва алоҳида қийматга эга бўлган нашрларни алоҳида коллекция ҳолида Бухорода сақланади ва муҳофаза қилинади.

Бухоро давлат музей қўриқхонаси ҳамда Бухоро вилоят ахборот кутубхона маркази фондидаги қўлёзмалар, ноёб ва алоҳида қийматга эга бўлган нашрларни таҳлил қилган холда, ЮНЕСКОнинг «Жаҳон хотираси» рўйхатига киритилиши бўйича зарур чораларнинг кўрилади.
Бухоро вилояти ҳокимлиги Иқтисодий тараққиёт ва камбағалликни қисқартириш вазирлиги, Қурилиш вазирлиги билан биргаликда «Туризм маҳалласи», «Туризм овули», «Туризм қишлоқлари»нинг ички йўллари, ичимлик суви ва бошқа инфратузилма объектларини таъмирлаш ишларини кейинги йиллардаги «Обод қишлоқ» ва «Обод маҳалла» дастурларига киритилади ҳамда унинг доирасида тегишли чора-тадбирлар амалга оширилади. 

Қарорга асосан, 2026 йилга қадар Бухоро вилоятида туризм соҳасини ривожлантиришнинг мақсадли кўрсаткичлари қўйидагича:

• Ички туристлар ташрифи сонини 4,1 млн га етказиш;
• Хорижий сайёҳлар сонини 1 минг 800 тагача ошириш;
• Хизматлар экспорт миқдорини 300 млн АҚШ долларга етказиш;
• Меҳмонхоналар номер фондининг бандлик даражасини 93 фоизга етказиш;
• Меҳмонхоналар сонини 258 тага етказиш;
• Оилавий меҳмон уйлари сонини 345 тага етказиш;
• Хостеллар сонини 76 тага етказиш.