Ҳуқуқий маслаҳат - бепул, тезкор, ҳаммага!
Хоразмнинг туризм салоҳиятини ошириш
- 2389 марта ўқилди
Ўзбекистон Республикаси Вазирлар Маҳкамасининг "2022 — 2026 йилларда Хоразм вилоятининг туризм салоҳиятини комплекс ривожлантириш бўйича қўшимча чора-тадбирлар тўғрисида"ги қарори қабул қилинди. (28.09.2022 йилдаги 546-сон)
Қарорга асосан, Хоразм вилоятида янги иш ўринларини яратишда туризм асосий драйвер соҳаси бўлиши, ҳудудда келгуси беш йилда туризм хизматларини камида беш бараварга ошириш ва шу мақсадда туризм объектларининг инфратузилмасини тубдан яхшилаш, янги оилавий меҳмон уйлари, «туризм кўчалари»ни ташкил этиш ҳамда ички ва чет эллик сайёҳларни вилоятнинг бой моддий ва номоддий маданий мероси билан яқиндан таништириш чораларини кўрилади.
Сайёҳлик масканларининг инфратузилмасини ривожлантириш юзасидан уларни йўллар, ичимлик суви, табиий газ, электр энергияси билан таъминлаб, вилоятда янги туристик йўналишлар ва маҳсулотларни жорий қилиб, соҳадаги илғор хорижий тажрибани татбиқ этиб, туризмни ривожлантириш учун ҳудуддаги истиқболли маҳаллаларни белгилаган холда, Урганч ва Хива шаҳарларини етакчи сайёҳлик нуқталари сифатида ривожлантирилади.
Урганч шаҳридаги Паҳлавон Маҳмуд кўчаси ва Хива шаҳридаги «Аллея» майдони ҳудудларида «туризм кўчалари» ташкил этилади. Хусусан, сайёҳларга хизмат кўрсатишга мўлжалланган озиқ-овқат дўконларини, шоппинг туризм объектлари, ҳунармандчилик маҳсулотлари савдо растаси, сайёҳларга қўшимча қулайликлар яратиш мақсадида чет эл валюта айирбошлаш шохобчалари, 2 та туризм ахборот маркази ва санитария-гигиена шохобчалари ташкил этилади.
