Эгасиз турар жойларни аниқлаш билан боғлиқ ишлар туман ҳокимлиги томонидан амалга оширилади.
6 ойдан кўпроқ бўш турган, ҳеч ким яшамайдиган ҳамда қуйидаги ҳолатлар мавжуд уй-жойлар эгасиз деб ҳисобланади:
- бўш турган ушбу давр учун коммунал хизматлар ҳақи ва турар жойни сақлаш учун харажатлар бўйича қарзлар мавжудлиги.
- турар жойнинг бутунлиги ва сақланиши таъминланмаганлиги, бунинг оқибатида турар жойнинг бузилишига ва унга учинчи шахсларнинг кириш уринишларига йўл қўйилганлиги.
Турар жойларни қуйидаги ҳолларда эгасиз деб топиб ҳисобга олишга йўл қўйилмайди:
- турар жой эгаси озодликдан маҳрум этиш жойларида жазони ўтаётганда;
- турар жой эгаси даволаниш, ўқиш, меҳнат фаолияти муносабати билан Ўзбекистон Республикаси ташқарисига чиқиб кетганда;
- турар жой эгаси Қуролли Кучлар сафларида муддатли ҳарбий хизматни ўтаётганда;
- турар жой эгаси Ўзбекистон тиббиёт муассасаларида узоқ муддат даволанаётганда.
Эгасиз турар жойлар ҳисобга қўйилган кундан бошлаб 3 йиллик муддат тугагандан кейин суд қарорига асосан давлат мулкига ўтказилади.
