Абонентнинг ҳуқуқлари:
- оператордан шартномада белгиланган мажбуриятлар бажарилишини талаб қилиш;
- ахборот хизматидан фойдаланиш;
- хизмат турлари бўйича батафсил ҳисобни бепул олиш;
- фавқулодда тезкор хизматларни чақиришда хизматдан бепул фойдаланиш;
- унинг розилигисиз тақдим этилган хизматлар учун тўловни тўлашни рад этиш;
- операторга мурожаат этиш;
- оператор айби билан кўрилган зарарларни қопланишини талаб қилиш;
- хизматлардан фойдаланишни тўхтатиш;
- шартнома шартлари оператор томонидан бузилганда, шартномани бажаришдан бош тортиш.
Хизматлар сифати ёмонлашганда ёки бошқа жиддий камчиликлар юзага келганда, абонент ўз хоҳишига кўра:
- камчиликларни бепул бартараф этишни;
- кўрсатилган хизматлар нархини камайтиришни;
- такроран хизматларни кўрсатишни;
- шартномани бекор қилишни талаб қилиши мумкин.
Операторнинг мажбуриятлари
- мобил алоқа хизматларини сифатли ва ўз вақтида кўрсатиш;
- хизматларнинг камчиликларини бартараф этиш;
- кўрсатилган хизматлар учун ҳисобларни бериш, ҳисоб-китобларни амалга ошириш;
- абонентдан тўлов олингандан кейин, алоқа хизматлари кўрсатилишини тиклаш;
- абонентнинг талаби бўйича ҳисоб-китобларнинг жорий ҳолати тўғрисида батафсил ахборот тақдим этиш;
- операторнинг айби билан хизматлар кўрсатилмаган вақт учун абонент тўловини қайта ҳисоблаб чиқиш;
- абонентнинг ёзма аризаси бўйича SIM-карта ёки абонент телефони йўқолганда, хизматлар кўрсатилишини зудлик билан тўхтатиш;
- абонентларнинг шикоятларини 30 кундан кўп бўлмаган муддатда кўриб чиқиш.
Операторнинг абонентнинг олдидаги жавобгарлиги
- алоқа хизматларини кўрсатиш муддатларининг бузилиши учун;
- барча турдаги хизматларни кўрсатмаганлик учун;
- алоқа хизматларини сифатсиз кўрсатиш учун;
- абонентга ахборот тақдим этилмаганлиги учун;
- абонент тўғрисидаги шахсий маълумотларни ошкор қилганлик учун.
Операторнинг абонентларга тақдим этадиган ахбороти
- алоқа тармоқларида абонент телефонидан фойдаланиш имконияти тўғрисида;
- хизматлар рўйхати, уларни кўрсатиш тартиби ва шартлари ўзгарганлиги тўғрисида;
- хизмат кўрсатиш зонаси ўзгарганлиги тўғрисида;
- янги тарифлар жорий қилингунга қадар камида 10 кун олдин хизматларга тарифлар ўзгарганлиги тўғрисида;
- абонентларга хизмат кўрсатиш пунктларининг иш режими ўзгарганлиги тўғрисида;
- реквизитларининг ўзгарганлиги тўғрисида.
Агар Сизда саволлар ва эътирозлар бўлса:
Мобиль алоқа оператори томонидан шартномавий мажбуриятлар бажарилмаса ёки сифатсиз хизмат кўрсатилса:
- Ахборот технологиялари ва коммуникацияларини ривожлантириш вазирлигига мурожаат этиш учун ушбу ҳаволага ўтинг;
- Алоқа инспекциясига мурожаат этиш учун ушбу ҳаволага ўтинг.
