Оператор (провайдер)нинг абонент билан ўзаро муносабати ёзма (электрон) шаклда тузиладиган шартнома асосида амалга оширилади.
Жисмоний ёки юридик шахс шартнома тузишдан олдин қуйидаги ахборотларни олишга ҳақли:
- асосий ва қўшимча хизматлар рўйхати;
- хизматлар нархи, тарифлар;
- алоқани ташкил этиш ва тармоқдан фойдаланиш усуллари;
- тармоққа уланиш ва хизмат кўрсатиш тартиби;
- хизматларни тақдим этиш қоидалари;
- хизматнинг сифатлилиги даражаси.
Тармоқ орқали асосан қуйидаги хизмат турлари тақдим этилади:
- интернетдан фойдаланиш;
- ахборот ресурслари ва тизимларидан фойдаланиш;
- электрон хабарлар қабул қилиш ва узатиш (шу жумладан, электрон почта);
- IP-адрес ажратиш ва тутиб туриш;
- хостинг хизматлари.
Абонент (фойдаланувчи) ҳуқуқлари
- оператор (провайдер) хизматларидан фойдаланиш;
- оператор (провайдер)дан мажбуриятлари бажаришилини талаб қилиш;
- шартномада кўрсатилмаган хизматлар учун ҳақ тўлашни рад этиш;
- оператор (провайдер) айби билан етказилган зарарни қоплашни талаб қилиш;
- оператор (провайдер) билан тузилган шартномани бекор қилиш.
- хизмат кўрсатиш муддати бузилганда, абонент қуйидагиларни талаб қилишга ҳақли:
- камчиликларни бепул бартараф этиш;
- хизмат кўрсатилиши мумкин бўлган янги муддатни белгилаш;
- нархни қайта ҳисоблашни талаб қилиш.
Оператор (провайдер) томонидан абонентга тақдим этиладиган асосий маълумотлар
- ўзи ҳақидаги маълумот (номи, почта манзили, иш тартиби ва телефон рақамлари);
- лицензия рақами ва амал қилиш муддати;
- хизмат кўрсатиш тартиби;
- хизмат кўрсатишдаги чекловлар;
- тариф режалари;
- хизматлардаги имтиёз ва чегирмалар;
- пулли ва пулсиз хизматлар рўйхати;
- хизматларга ҳақ тўлаш муддатлари ва шакллари;
- абонентларнинг мурожаатларини кўриб чиқиш тартиби;
- истеъмолчиларга ахборот берувчи хизматнинг телефон рақамлари (мавжуд бўлганда).
Қуйидаги маълумотлар абонентнинг сўровига мувофиқ 24 соат мобайнида ҳеч қандай чекловларсиз тақдим этилиши шарт:
- тармоқ орқали кўрсатиладиган хизматлар тўғрисидаги;
- тарифлар тўғрисидаги;
- абонентга унинг шахсий ҳисобварағининг ҳолати ва қарздорлиги тўғрисидаги;
- техник носозликлар тўғрисидаги.
Оператор (провайдер) мажбуриятлари
- шартномада белгиланган муддат ва ҳажмда ишларни бажариш (хизмат кўрсатиш);
- хизматларнинг сифатини таъминлаш;
- хизмат кўрсатиш тартиби ва шартлари ўзгарганлиги, шу жумладан тарифлар ўзгарганлиги тўғрисида – ўзгартиришлар кучга киришидан камида 10 кун олдин ахборот тақдим этиш;
- шартнома шартларини бажармаганлик учун қайта ҳисоб-китоб қилиш;
- абонент (фойдаланувчи)га таъмирлаш-профилактика ишлари тўғрисида зудлик билан хабар бериш;
- хизматлар узлуксиз ва кеча-кундуз кўрсатилишини таъминлаш;
- абонентнинг ҳисоб варағи жорий ҳолати тўғрисида унга батафсил ахборот тақдим этиш;
- ахборот ресурслари ҳимоя қилинишини таъминлаш чораларини кўриш;
- абонентларнинг оғзаки мурожаатларини дарҳол, ёзма ёки электрон мурожаатлари келиб тушган кундан бошлаб 15 кун ичида кўриб чиқиш;
- тармоқдан фойдаланиш қоидаларига риоя этиш юзасидан ҳар ойда 1 марта эслатма хабарини бериш.
Абонент (фойдаланувчи) мажбуриятлари
- тўловни вақтида амалга ошириш;
- оператор (провайдер)ни носозликлар ёки ўзгаришлар тўғрисида хабардор қилиш;
- оператор (провайдер)га етказилган зарарни қоплаш;
- GSM, IP ёки SMS-шлюзлар ёки шунга ўхшаш воситалардан фойдаланиш нияти бўлганда, бу ҳақда оператор (провайдер)ни огоҳлантириш.
Фойдаланувчи қуйидаги мажбуриятларга эга:
- Ўзбекистон Республикасининг мавжуд конституциявий тузумига таҳдид солувчи, шунингдек порнографияни тарғиб қилувчи ва бошқа тақиқланган ахборотни тарқатмаслик;
- фуқароларнинг шаъни ва қадр-қимматига путур етказувчи ахборотни тарқатмаслик;
- тарқатилиши тақиқланган ахборотлардан фойдаланмаслик;
- тармоқдан фойдалана олиш атрибутларини бошқа шахсларга бермаслик (кўпайтирмаслик);
- таркибига компьютер вируслари ёки зарарли ахборотни олган маълумот ёхуд дастурий таъминотни эълон қилмаслик ва узатмаслик;
- муаллифлик ҳуқуқларини бузмаслик.
Интернет провайдерларига берилган лицензиялар реестри билан танишиш учун ушбу ҳаволага ўтинг.
Оператор (провайдер) томонидан шартномавий мажбуриятлар бажарилмаса ёки сифатсиз хизмат кўрсатилса:
- Ахборот технологиялари ва коммуникацияларини ривожлантириш вазирлигига мурожаат этиш учун ушбу ҳаволага ўтинг;
- Алоқа инспекциясига мурожаат этиш учун ушбу ҳаволага ўтинг.
