Ҳар бир йўловчига қоғоз бланка ёки электрон шаклда чипта расмийлаштирилиши лозим

Чиптада кўрсатилиши лозим бўлган маълумотлар

• сотиш жойи ва санаси;
• жўнаш вақти;
• ҳаво кемасининг жўнаш ва қўниш манзили, оралиқ қўниш манзиллари;
• ташиш шартномасини бажаришга жавобгар ташувчи номи.

Чипта брон қилиш

• банд қилиш (брон) чипта расмийлаштиришнинг дастлабки босқичи ҳисобланади;
• брон қилинган жой (чипта) ҳақидаги маълумотни бошқа шахсларга ошкор қилиш тақиқланади;
• йўловчи брон бўйича тўловни ўз вақтида амалга оширмаса, брон бекор қилиниши мумкин.

Чипта учиш жойидан қўниш манзилигача ҳақиқий ҳисобланади

Қуйидаги ҳолларда йўловчи томонидан брон бекор қилинмаганда, ундан йиғим ундирилмайди:

• ташувчининг айби билан;
• соғлиги ёмонлашганлиги сабабли.

Чипта муддатини узайтириш асослари

• қатнов бекор қилинганда;
• парвозлар жадвалида қатнов бажарилмаса;
• йўловчи қатновлар туташиш жойларига етиб келмаслигига сабаб бўлган ҳаракатлар қилса;
• йўловчи тўлаган хизмат кўрсатиш тоифаси ўзгарса;
• йўловчига брон қилинган жой берилмаса.

Чиптада кўрсатилган ҳаво кемасининг қатнови ҳақидаги маълумот парвозлар жадвалига мувофиқ бўлиши керак.

Ташувчи қуйидаги маълумотларни аҳоли эътиборига етказиши шарт:

• парвозлар йўналиши ва жадвалларини;
• йўловчи ва юкларни ташиш тарифларини;
• аэропортларда ва ҳаво кемасининг ичида хизмат кўрсатиш шароитларини.

Йўловчини рўйхатдан ўтказиш

• ташувчи йўловчини рўйхатдан ўтказиш бошланиш ва якунланиш вақти ҳақида хабардор қилади;
• багажни рўйхатдан ўтказишда йўловчи ўз паспортини тақдим этади;
• йўловчи рўйхатдан ўтолмаса, қатновга қўйилмайди;
• йўловчи кечикканлиги учун йиғимни тўлаганидан сўнг, бўш ўрин бўлганда бошқа қатновда ташилиши мумкин.