Сайт тест режимида ишламоқда

Ҳуқуқий ахборот - ҳаммага, ҳар доим, ҳамма жойда!

  • 1848 марта ўқилди
  • Ҳозирда 58 ёшдаман ишлаётган корхонам тугатилганлиги муносабати билан ишсиз қолганман. Мен ушбу ёшимда ҳам ёшга доир пенсияга муддатидан олдин чиқишим мумкинми?

    ✅ “Фуқароларнинг давлат пенсия таъминоти тўғрисида”ги қонунининг 14-моддасига асосан технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан ишдан озод этилган ва ишсиз деб эътироф этилган шахслар:

    • эркаклар — 58 ёшга тўлганда ва иш стажи камида 25 йил бўлган тақдирда;
    • аёллар — 53 ёшга тўлганда ва иш стажи камида 20 йил бўлган тақдирда пенсия олиш ҳуқуқига эга бўладилар.
  • 2018 йилда ажрашганман. Никоҳ давомида олинган мол-мулк йуқ. 2016 йилда отам менга ҳадя қилган Ласетти русумли автомашина бор. Собиқ турмуш ўртоғим ўша автомашинадан улуш талаб киляпти. Уни ҳаққи борми?

    ✅ Оила Кодексининг 25-моддасига асосан эр ва хотиннинг никоҳ давомида ҳадя, мерос тариқасида ёки бошқа бепул битимлар асосида олган мол-мулки улардан хар бирини ўз шахсий мулки ҳисобланади. Шунга кўра, турмуш ўртоғинингиз машинадан улуш талаб қила олмайди.

  • 1991-2016 йилларда турли завод ва фабрикаларда ишлаган вақтимда фамилиям ҳар хил тушиб қолганлиги сабабли, туман пенсия жамғармаси томонидан менга пенсия тайинлаш рад этилди. Мен кимга мурожаат қилсам бўлади?

    ✅ Фуқаролик ишлари бўйича туман судига юридик фактни белгилаш буйича ариза киритиш мумкин. Аризага куйидаги хужжатларни илова килишингиз керак: паспорт, туғилганлик ҳақидаги гувоҳнома, никоҳ гувоҳномаси нусҳалари; архив маълумотномаси (стаж), гувоҳлик берувчиларни тушунтириш хатлари, гувоҳлик берувчиларни паспорт нусхалари, пенсия тайинлаш рад этилганлиги тўғрисидаги маълумотнома, ДХМ маълумотномаси, давлат божи ва почта харажатлари учун тўлов.

  • 2020 йил ҳисобига 1 апрелдан 28 апрелгача ҳақ тўланадиган таътилга чиқдим. Ҳозирда иш беручи ўз ҳисобимдан таътилга чиқишга ариза ёзишни талаб қилаяпти, шу тўгрими?

    ✅ Мехнат кодексининг 150-моддасига кўра, ходимни ўз ҳисобидан таътилга фақат унинг розилиги билан чиқариш мумкин. Шунга кўра, иш берувчининг талаби асоссиз.

  • Никоҳни бекор қилиш учун судда давлат божи кимдан ундирилади?

    ✅ Давлат божи никоҳдан ажратишни сўраб судга ариза топширган томондан, агар эр-хотин биргаликда никоҳдан ажратиш ҳақида судга ариза ёзган бўлса, ўзаро келишган ҳолда томонларнинг биридан ундирилади.

    ✅ Давлат божи суммаси БҲМнинг 2 баравари миқдорида, такрорий никоҳни бекор қилиш учун эса БҲМнинг 4 баравари миқдорида ундирилади.

  • 14 ёшгача бўлган болаларга нафақа тўлаш тартиби қандай?

    ✅ Мазкур нафақа фуқароларнинг ўзини ўзи бошқариш органи (маҳалла) томонидан кам таъминланган оилаларга берилиши мумкин.

    ✅Бунда оиланинг охирги 3 ойлик даромади қўшиб ҳисобланиб, оила аъзоларига бўлинганда, ҳар бир оила аъзосига БҲМнинг 1,5 бараваридан ортиқ бўлмаган миқдорда тўғри келган оила – кам таъминланган деб топилиши ҳамда нафақа тайинланиши мумкин ушбу ҳаволага ўтинг.

Chat