Huquqiy axborot - hammaga, har doim, hamma joyda!

  • 3385 marta o'qildi
  • Hozirda 58 yoshdaman ishlayotgan korxonam tugatilganligi munosabati bilan ishsiz qolganman. Men ushbu yoshimda ham yoshga doir pensiyaga muddatidan oldin chiqishim mumkinmi?

    ✅ “Fuqarolarning davlat pensiya ta’minoti to‘g‘risida”gi qonunining 14-moddasiga asosan texnologiyadagi, ishlab chiqarish va mehnatni tashkil etishdagi o‘zgarishlar, xodimlar soni (shtati) yoki ish xususiyatining o‘zgarishiga olib kelgan ishlar hajmining qisqarganligi yoxud korxonaning tugatilganligi munosabati bilan ishdan ozod etilgan va ishsiz deb e’tirof etilgan shaxslar:

    • erkaklar — 58 yoshga to‘lganda va ish staji kamida 25 yil bo‘lgan taqdirda;
    • ayollar — 53 yoshga to‘lganda va ish staji kamida 20 yil bo‘lgan taqdirda pensiya olish huquqiga ega bo‘ladilar.
  • 2018-yilda ajrashganman. Nikoh davomida olingan mol-mulk yuq. 2016-yilda otam myenga hadya qilgan Lasyetti rusumli avtomashina bor. Sobiq turmush o‘rtog‘im o‘sha avtomashinadan ulush talab kilyapti. Uni haqqi bormi?

    ✅ Oila Kodeksining 25-moddasiga asosan er va xotinning nikoh davomida hadya, myeros tariqasida yoki boshqa bepul bitimlar asosida olgan mol-mulki ulardan xar birini o‘z shaxsiy mulki hisoblanadi. Shunga ko‘ra, turmush o‘rtog‘iningiz mashinadan ulush talab qila olmaydi.

  • 1991-2016-yillarda turli zavod va fabrikalarda ishlagan vaqtimda familiyam har xil tushib qolganligi sababli, tuman pensiya jamg‘armasi tomonidan myenga pensiya tayinlash rad etildi. Men kimga murojaat qilsam bo‘ladi?

    ✅ Fuqarolik ishlari bo‘yicha tuman sudiga yuridik faktni belgilash buyicha ariza kiritish mumkin. Arizaga kuyidagi xujjatlarni ilova kilishingiz kerak: pasport, tug‘ilganlik haqidagi guvohnoma, nikoh guvohnomasi nushalari; arxiv ma’lumotnomasi (staj), guvohlik beruvchilarni tushuntirish xatlari, guvohlik beruvchilarni pasport nusxalari, pensiya tayinlash rad etilganligi to‘g‘risidagi ma’lumotnoma, DXM ma’lumotnomasi, davlat boji va pochta xarajatlari uchun to‘lov.

  • 2020-yil hisobiga 1 apreldan 28-aprelgacha haq to‘lanadigan ta’tilga chiqdim. Hozirda ish byeruchi o‘z hisobimdan ta’tilga chiqishga ariza yozishni talab qilayapti, shu to‘grimi?

    ✅ Mexnat kodeksining 150-moddasiga ko‘ra, xodimni o‘z hisobidan ta’tilga faqat uning roziligi bilan chiqarish mumkin. Shunga ko‘ra, ish beruvchining talabi asossiz.

  • Nikohni bekor qilish uchun sudda davlat boji kimdan undiriladi?

    ✅ Davlat boji nikohdan ajratishni so‘rab sudga ariza topshirgan tomondan, agar er-xotin birgalikda nikohdan ajratish haqida sudga ariza yozgan bo‘lsa, o‘zaro kelishgan holda tomonlarning biridan undiriladi.

    ✅ Davlat boji summasi BHMning 2 baravari miqdorida, takroriy nikohni bekor qilish uchun esa BHMning 4 baravari miqdorida undiriladi.

  • 14 yoshgacha bo‘lgan bolalarga nafaqa to‘lash tartibi qanday?

    ✅ Mazkur nafaqa fuqarolarning o‘zini o‘zi boshqarish organi (mahalla) tomonidan kam ta’minlangan oilalarga berilishi mumkin.

    ✅Bunda oilaning oxirgi 3 oylik daromadi qo‘shib hisoblanib, oila a’zolariga bo‘linganda, har bir oila a’zosiga BHMning 1,5 baravaridan ortiq bo‘lmagan miqdorda to‘g‘ri kelgan oila – kam ta’minlangan deb topilishi hamda nafaqa tayinlanishi mumkin ushbu havolaga o‘ting.

Chat