Сувни ҳисобга олиш приборини пломбалаш, сув таъминоти ва сувни чиқариб ташлаш хизматларини кўрсатиш бўйича шартномани тузиш

Хизмат мазмуни

Сув ҳисоблагичини пломбалаш ҳамда сув таъминоти ва сувни чиқариб ташлаш хизматлари бўйича шартнома тузиш тармоқларга уланиш билан боғлиқ қурилиш-монтаж ишлари якунланганидан кейин амалга оширилади.

Хизматдан жисмоний ва юридик шахслар фойдаланиши мумкин.

Мурожаат қилиш тартиби

Истеъмолчи:

Давлат хизматлари марказига шахсан;
ёки Ягона интерактив давлат хизматлари портали — ЯИДХП орқали электрон шаклда мурожаат қилади.

Шахсан мурожаат қилинганда сўровномани Давлат хизматлари маркази ходими истеъмолчи номидан тўлдиради. ЯИДХП орқали мурожаат қилинганда истеъмолчи сўровномани мустақил равишда тўлдиради.

Сўровномада сув таъминоти ва канализация хўжалиги ташкилоти томонидан тасдиқланган тармоққа уланиш муддати кўрсатилади.

Истеъмолчидан сўровномада назарда тутилмаган қўшимча маълумотлар ёки ҳужжатларни талаб қилиш қатъиян тақиқланади.

ЯИДХП орқали мурожаат қилинганда сўровномани ЭРИ билан тасдиқлаш талаб этилмайди.

Сўровномани юбориш

Давлат хизматлари маркази сўровномани тўлдирилган вақтдан бошлаб реал вақт режимида сув таъминоти ва канализация хўжалиги ташкилотига юборади.

ЯИДХП орқали берилган сўровнома масъул ташкилотга автоматик равишда юборилади.

Пломбалаш ва далолатнома тузиш

Сув таъминоти ва канализация хўжалиги ташкилоти сўровнома келиб тушганидан кейин 2 иш куни мобайнида:

объект жойлашган манзилга чиқади;
сув ҳисоблагичини пломбалайди;
истеъмолчи ёки унинг вакили иштирокида икки нусхада далолатнома тузади.

Ҳисоблагич пломбаланган куннинг ўзида расмийлаштирилган шартнома ва пломбалаш далолатномасининг электрон нусхаси Давлат хизматлари марказига ёки истеъмолчига ЯИДХП орқали юборилади.

Шартномани тасдиқлаш

Истеъмолчи расмийлаштирилган шартнома келиб тушганидан кейин уни 5 иш куни мобайнида тасдиқлаши керак.

Шартнома:

ЭРИ;
электрон имзо;
дактилоскопия;
имзони идентификация қилишнинг бошқа воситалари орқали тасдиқланиши мумкин.

Истеъмолчи шартномани тасдиқламаса ёки белгиланган муддатда юбормаса, шартнома тузилмаган ҳисобланади.

Хизмат нархи ва натижаси

Ҳисоблагични пломбалаш ва шартномани расмийлаштириш хизмати бепул.

Хизмат натижасида:

сув ҳисоблагичи пломбаланади;
пломбалаш далолатномаси расмийлаштирилади;
сув таъминоти ва сувни чиқариб ташлаш хизматлари бўйича шартнома тузилади.

Сувни етказиб бериш ва оқова сувларни қабул қилиш истеъмолчи шартномада назарда тутилган олдиндан тўловни амалга оширган куни бошланади.

Норматив ҳужжатлар

Вазирлар Маҳкамасининг 2018 йил 31 мартдаги 256-сон қарори