1. Сайлов участка раиси, ўринбосари ва котибига ҳақ тўланадими?
Марказий сайлов комиссиясининг 2019 йил 25 октябрдаги 969-сон қарори билан тасдиқланган Ўзбекистон Республикаси Президенти, Олий Мажлис Қонунчилик палатаси, Қорақалпоғистон Республикаси Жўқорғи Кенгеси, Халқ депутатлари вилоят, туман ва шаҳар кенгашлари депутатлари сайловларига тайёргарлик кўриш ва уларни ўтказишни молиялаштириш ҳамда маблағлардан фойдаланиш тартиби тўғрисида Йўриқномага мувофиқ ҳолда тўланади.
2. Сайлов участкалари сайловчилардан паспорт маълумотларини олишга ҳақлими?
Ўзбекистон Республикаси Сайлов кодексининг 27-28-моддалари талабига кўра сайлов комиссиялари томонидан сайловчилар рўйхатига ҳар бир сайловчининг фамилияси, исми, отасининг исми, туғилган санаси ва яшаш жойи манзилига оид маълумотлар киритилиши белгиланган.
3. Сайлов бюллетенини мустақил равишда тўлдира олмайдиган шахс нима қилади?
Ўзбекистон Республикаси Сайлов кодексининг 55-моддаси талабига кўра, сайлов бюллетенини мустақил равишда тўлдириш имкониятига эга бўлмаган сайловчи ўз хоҳишига кўра яширин овоз бериш кабинасига ёки хонасига бошқа шахсни таклиф қилишга ҳақли, бундан сайлов комиссияси таркибига кирадиган шахслар, кузатувчилар ва оммавий ахборот воситалари вакиллари мустасно.
4. Сайлов бюллетени бузиб қўйилса нима бўлади?
Ўзбекистон Республикаси Сайлов кодексининг 55-моддаси мувофиқ Овоз бериш жараёнида эхтиётсизлик туфайли бузиб қўйилган сайлов бюллетени сайловчининг илтимосига кўра алмаштириб берилиши мумкин.
5. Ўзбекистоннинг дипломатик ваколатхоналари ва консуллик муассасаларида сайлов участкалари ташкил этиладими?
Ўзбекистон Республикасининг Сайлов кодекси ҳамда Марказий сайлов комиссиясининг 2019 йил 22 октябрдаги "Ўзбекистон Республикасининг хорижий давлатлардаги дипломатик ваколатхоналари ва консуллик муассасалари ҳузурида сайлов участкаларини тузиш тўғрисида"ги қарори талабларига мувофиқ ташкил етилади.
6. Кўзи ожизлар учун алоҳида бюллетенлар жорий қилинадими?
Марказий сайлов комиссияси билан Ўзбекистон Кўзи ожизлар жамияти ўртасида имзоланган ҳамкорлик Келишувига мувофиқ кўзи ожиз сайловчилар рўйхатдан ўтган округ сайлов комиссиялари дислокасияси аниқланиб, улардаги сайлов участкаларида сайловчилар Брайл ёзувида тайёрланган трафаретлар ёрдамида овоз бериши таъминланади.
7. Сайлов куни қаерда овоз бериш амалга оширилади?
Ўзбекистон Республикаси Сайлов кодексининг 27-моддасига биноан сайлов кунига қадар ёки сайлов куни ўн саккиз ёшга тўлган, рўйхат тузилаётган пайтда мазкур сайлов участкаси ҳудудида доимий ёки вақтинча истиқомат қилаётган фуқароларнинг фамилиялари сайловчилар рўйхатига киритилади. Ҳар бир сайловчи фақат битта сайловчилар рўйхатига киритилиши мумкин.
8. Фойдаланилмаган сайлов бюллетенлари нима қилинади?
Ўзбекистон Республикаси Сайлов кодексининг 58-моддаси талабига кўра, фойдаланилмаган ва бузилган сайлов бюллетенлари санаб чиқилиб, бекор қилинади, бу ҳақда якуний баённомага тегишли ёзув киритилади.
