Табиий газ ҳисоблагичини қиёслашдан ўтказиш (ечиш ва ўрнатиш билан бирга)

Қиёслаш даврийлиги ва мурожаат

Табиий газ ҳисоблагичлари:

жисмоний шахслар учун — ҳар 8 йилда;
юридик шахслар учун — ҳар 4 йилда қиёслашдан ўтказилади.

Талабгор Давлат хизматлари марказига, ЯИДХП орқали ёки белгиланган ҳолларда бевосита ҳудудий газ таъминоти ташкилотига мурожаат қилиши мумкин. Қўшимча ҳужжатлар талаб қилинмайди.

Маиший ва электрон газ ҳисоблагичларини навбатдаги қиёслаш қиёслов муддати тугашига 3 ой қолганда, ҳудудий газ таъминоти ташкилоти томонидан проактив шаклда, мурожаатсиз ташкил этилади.

Хизмат кўрсатиш босқичлари

Ҳисоблагични ечиш — сўровнома тушганидан кейин 5 иш куни ичида.
Метрология хизмати томонидан қиёслаш — ҳисоблагич қабул қилинганидан кейин 3 иш куни ичида.
Ҳисоблагични метрология хизматидан олиб кетиш — сертификат ёки хабарнома келиб тушганидан кейин 2 иш куни ичида.
Ҳисоблагични ўрнатиш ва пломбалаш — қиёслашдан кейин 3 иш куни ичида.

Ҳисоблагич ечилганда далолатнома 2 нусхада, ўрнатилганда эса 3 нусхада расмийлаштирилади. Ҳар икки ҳолатда бир нусха талабгорга берилади.

Қиёслаш натижаси

Ижобий натижада қиёслаш сертификати расмийлаштирилади. Салбий натижада ҳисоблагичнинг фойдаланишга яроқсизлиги ҳақида хабарнома берилади.

Ҳисоблагич яроқсиз деб топилса, ҳудудий газ таъминоти ташкилоти уни 3 иш куни ичида таъмирлайди ёки янгисига алмаштиради. Жисмоний шахслар ва юридик шахс ташкил этмасдан тадбиркорлик қилувчилар учун бу харажатлар газ таъминоти ташкилоти ҳисобидан қопланади. Такрорий қиёслаш учун қўшимча тўлов ундирилмайди.

Йиғим миқдори

Давлат хизматлари маркази орқали мурожаат қилинганда:

жисмоний шахслар ва юридик шахс ташкил этмасдан тадбиркорлик қилувчилар учун — БҲМнинг 20 фоизи;
юридик шахслар учун — БҲМнинг 1,5 баравари.

ЯИДХП орқали мурожаат қилинганда:

жисмоний шахслар ва юридик шахс ташкил этмасдан тадбиркорлик қилувчилар учун — БҲМнинг 18 фоизи;
юридик шахслар учун — БҲМнинг 1,35 баравари.

ҲГТТга тўғридан-тўғри мурожаат қилинганда ёки хизмат проактив кўрсатилганда:

жисмоний шахслар ва юридик шахс ташкил этмасдан тадбиркорлик қилувчилар учун — БҲМнинг 16 фоизи;
юридик шахслар учун — БҲМнинг 1,2 баравари.

Ечиш, қиёслаш ва ўрнатиш бирга сўралганда йиғим бир марта ундирилади.

Ижтимоий чегирмалар

Белгиланган йиғимларга:

«камбағал оила» аъзолари ва I ёки II гуруҳ ногиронлиги бўлган шахсларга — 50 фоиз;
«давлат таъминотидаги оила» аъзоларига — 75 фоиз чегирма қўлланилади.

Навбатдаги қиёслаш муддати тугашига 3 ой қолганда хизматни ташкил этиш ҲГТТ зиммасига юклатилган; истеъмолчи алоҳида ариза бериши шарт эмас.

Норматив ҳужжатлар

Ўзбекистон Республикаси Вазирлар Маҳкамасининг 2019 йил 20 августдаги 698-сон қарори