Электр тармоқларига улаш

Мурожаат қилиш тартиби

Истеъмолчи:

Давлат хизматлари марказига;
Ягона интерактив давлат хизматлари портали орқали;
«ELEKTR» онлайн платформаси орқали мурожаат қилиши мумкин.

Сўровномада кўрсатилмаган қўшимча маълумот ёки ҳужжатларни талаб қилиш тақиқланади. ЯИДХП орқали юборилган сўровномани ЭРИ билан тасдиқлаш талаб этилмайди.

20 кВтгача бўлган қувватда улаш

20 кВтгача бўлган истеъмолчиларга техник шарт ишлаб чиқиш талаб этилмайди. Улаш электр тармоғига улаш схемаси асосида амалга оширилади.

Ҳудудий электр тармоқлари корхонаси 10 иш куни ичида:

улаш схемасини тайёрлайди;
қурилиш-монтаж ва созлаш-ишга тушириш ишларини бажаради;
электр энергиясини ўлчаш воситасини ўрнатади ва пломбалайди;
тегишли нарядни расмийлаштиради;
электр таъминоти шартномасини тузади.

20 кВтгача бўлган маиший истеъмолчиларнинг хонадонлари ва уй-жойларини улашда техник шарт, электр таъминоти лойиҳаси ҳамда қурилмаларнинг эксплуатацияга тайёрлиги тўғрисидаги далолатнома талаб этилмайди.

20 кВтдан 50 кВтгача бўлган қувватда улаш

Улаш ишлари Ҳудудий электр тармоқлари корхонаси томонидан тайёр ҳолда топшириш асосида амалга оширилади. Умумий муддат — 20 иш куни:

техник шартларни ишлаб чиқиш — 2 иш куни;
электр таъминоти лойиҳасини тайёрлаш — 5 иш куни;
лойиҳани Ўзэнергоинспекция билан келишиш — 3 иш куни;
қурилиш-монтаж ишлари — 6 иш куни;
эксплуатацияга тайёрлик далолатномасини расмийлаштириш — 3 иш куни;
шартнома тузиш ва тармоққа улаш — 1 иш куни.

50 кВтдан юқори бўлган қувватда улаш

Ҳудудий электр тармоқлари корхонаси QR-кодли техник шартларни 3 иш кунида ишлаб чиқади. Техник шартлар жойлаштирилгандан кейин ҲЭТК ва тегишли пудратчилар ўз таклифларини 3 иш кунида тақдим этади.

Истеъмолчи электр таъминоти лойиҳаси, қурилиш-монтаж ва созлаш-ишга тушириш ишларини бажариш учун ҲЭТКни ёки бошқа лицензияга эга пудратчини мустақил танлайди.

Лойиҳа ва қурилмаларни техник кўрикдан ўтказиш муддати:

кучланиши 1 кВгача ва 6–10 кВ бўлганда — 3 иш куни;
кучланиши 35 кВ ва ундан юқори бўлганда — 5 иш куни.

Тўловлар

Давлат хизматини кўрсатиш учун:

Давлат хизматлари маркази орқали — БҲМнинг 10 фоизи;
ЯИДХП орқали — БҲМнинг 9 фоизи;
«ELEKTR» онлайн платформаси орқали — бепул.

50 кВтгача бўлган истеъмолчилар тармоққа улаш ишлари учун белгиланган табақалашган бир марталик тўловни амалга оширади. Унинг миқдори уланадиган қувват, масофа ва бошқа белгиланган мезонлар асосида ҳисобланади.

Ижтимоий реестрдаги «камбағал оила» аъзолари ҳамда I ва II гуруҳ ногиронлиги бўлган шахслар учун йиғимга 50 фоиз, «давлат таъминотидаги оила» аъзолари учун 75 фоиз чегирма қўлланилади.

Норматив ҳужжатлар

Вазирлар Маҳкамасининг 2021 йил 31 августдаги 555-сон қарори