Халқаро фан олимпиадалари ғолибларини тақдирлаш

Ғолибларга бериладиган пул мукофоти

Белгиланган халқаро фан олимпиадалари ғолиблари қуйидаги миқдорда бир марталик пул мукофоти билан тақдирланади:

— 1-ўрин (олтин медаль) — 2500 БҲМ;

— 2-ўрин (кумуш медаль) — 1500 БҲМ;

— 3-ўрин (бронза медаль) — 1000 БҲМ.

Ушбу миқдорлар 2025 йилда янги таҳрирда белгиланган.

БҲМ — қонунчиликда белгиланган тўловлар, жарималар ва бошқа миқдорларни ҳисоблашда қўлланиладиган базавий ҳисоблаш миқдори.

Ўқитувчиларга мукофот

Халқаро олимпиада ғолибини тайёрлаган ўқитувчига:

— олтин медаль учун — 450 БҲМ;

— кумуш медаль учун — 250 БҲМ;

— бронза медаль учун — 150 БҲМ миқдорида бир марталик пул мукофоти берилади.

Ўқитувчи ва директорларга устама

Халқаро олимпиада ғолибини тайёрлаган ўқитувчи ва таълим муассасаси директорига навбатдаги ўқув йили давомида директорнинг рағбатлантириш жамғармаси ҳисобидан:

— олтин медаль учун — 200 фоиз;

— кумуш медаль учун — 175 фоиз;

— бронза медаль учун — 150 фоиз миқдорида қўшимча устама тўланади.

Қайси олимпиадалар назарда тутилган

Белгиланган халқаро олимпиадалар қаторига:

— Халқаро математика олимпиадаси (IMO);

— Халқаро физика олимпиадаси (IPhO);

— Халқаро кимё олимпиадаси (IChO);

— Халқаро биология олимпиадаси (IBO);

— Халқаро информатика олимпиадаси (IOI) киради.

Пул мукофотининг сўмдаги аниқ миқдори тўлов вақтида амал қилаётган БҲМ миқдорига боғлиқ бўлади.

Норматив ҳужжатлар

Мақола фойдали бўлдими?

Бўлимлар