Давлатнинг расмий ёки қисқартирилган номини фирма номига киритиш

Фирма - Что такое Фирма? - Техническая Библиотека Neftegaz.RU

Юридик шахснинг фирма номига давлатнинг тўлиқ ёки қисқартирилган расмий номини, жумладан, «Ўзбекистон» ёки «Ўзбекистон Республикаси» номини ўзбошимчалик билан киритиш мумкин эмас. Бундай номдан қонунчиликда белгиланган тартибда фойдаланилади.

Давлат номи бериладиган юридик шахслар

Давлатнинг расмий ёки қисқартирилган номи қуйидаги юридик шахсларнинг фирма номига киритилиши мумкин:

Ўзбекистон Республикаси қонунлари, Олий Мажлис палаталари, Президент ёки Вазирлар Маҳкамасининг қарорларига мувофиқ ташкил этиладиган ёхуд фаолияти ташкил этиладиган юридик шахслар — агар уларнинг номи тегишли ҳужжатда тўғридан-тўғри назарда тутилган бўлса;
давлат органлари ва ташкилотлари томонидан ташкил этиладиган давлат муассасалари;
устав фондида ёки устав капиталида давлат улуши 50 фоиздан ортиқ бўлган хўжалик жамиятлари;
республика аҳамиятига эга юридик шахслар бирлашмалари;
республика ёки маҳаллий ижро этувчи ҳокимият органлари, шунингдек хўжалик бирлашмаларининг Адлия вазирлигига тақдим этган мурожаати асосида — хорижий инвестициялар иштирокидаги корхоналар.

Мазкур тартиб тижорат банклари, кредит бюролари ва хорижий тижорат ташкилотларига татбиқ этилмайди.

Мурожаат қилиш тартиби

Юридик шахс ёки унинг ваколатли вакили:

Давлат хизматлари марказига шахсан;
Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимидаги шахсий кабинет орқали мурожаат қилади.

Сўровномада юридик шахснинг СТИРи, вакилнинг Ф.И.О. ва ЖШШИРи ҳамда танланган фирма номининг тўлиқ ёки қисқартирилган шакли кўрсатилади.

Талаб этиладиган ҳужжатлар

Юридик шахснинг тоифасига қараб сўровномага:

юридик шахсни ташкил этиш ёки унинг фаолиятини ташкил қилиш назарда тутилган норматив-ҳуқуқий ҳужжат;
давлат органи ёки ташкилотининг қарори ёхуд буйруғи;
давлат улушини хўжалик жамиятининг устав фондига киритиш тўғрисидаги қарор;
юридик шахслар бирлашмаси аъзолари умумий йиғилишининг тасдиқланган баённомаси ва дастлабки таъсис ҳужжатлари;
хорижий инвестициялар иштирокидаги корхона бўйича тегишли орган ёки хўжалик бирлашмасининг мурожаати илова қилинади.

Электрон шаклда тақдим этиладиган ҳужжатлар PDF форматида бўлиши керак.

Йиғим ва кўриб чиқиш муддати

Давлат хизмати учун БҲМнинг 50 фоизи миқдорида йиғим ундирилади.

Қонунлар, Олий Мажлис палаталари, Президент ёки Вазирлар Маҳкамаси қарорларига мувофиқ ташкил этилган юридик шахслар ҳамда давлат муассасалари учун хизмат бепул кўрсатилади.

Ваколатли орган сўровномани 2 иш кунида кўриб чиқади. Фирма номи маъқулланганидан кейин ариза берувчи йиғимни 10 кун ичида тўлаши лозим. Тўлов амалга оширилгач, фирма номи банд қилинганлиги ҳақидаги хабарнома 1 иш соатида юборилади.

Танланган фирма номи тизимда 60 кунга захирага олинади.

Муҳим! Фирма номи бошқа шахс томонидан аввал захирага олинган бўлса, «Фирма номлари тўғрисида»ги Қонун талабларига зид бўлса ёки мазкур давлат хизмати татбиқ этилмайдиган ташкилот учун сўралса, хизмат кўрсатиш рад этилади. Бошқа асослар бўйича рад этиш тақиқланади.